PINAINTALANG 14:1 - Tanou Moonsoi Timugon

¹ Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.

PINAINTALANG 14:1 ပူးပေါင်းရင်းမြစ်များ

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

JISAYA 49:14

Kaa' namagun ru Jirusalim mindagu, “Tuhan nanatang noyo ritakau, Tuhan takano nampalilian ritakau.”

JIRIMIA 1:11

Pangkuot Tuhan raki', “Okou Jirimia, atan kia nakito muno?” Taam aku, “Rondo' raan ru badam.”

YEHEZKIEL 1:4

Pantingaa' aku am nakakito ra bagiu' mapuor kaga' minatong intor ra ralayo. Ganit kukurilop intor ra gaun ondo' maayo kaga', am limbowon giu' ra liput nano mapaang kaga'. Bulintok ra ganit no kukurilop, makito rondo' ondo' kukuliat koson ra gangsa'.

YEHEZKIEL 10:1

Magilong aku ra bakuran ondo' soroi giu' ra tampak ru ulu ru kirub-kirub no am nakito rondo' koson ra kurisi' turungan ondo' binaal intor ra batu nilam.

YEHEZKIEL 10:9

Nakito ku niayuk giu' ra sapapa' ru moonong kirub no mokoondo' rondo' luda'. Kaapat-apat ru luda' no nogondo' am manguliat koson ra batu intan. Moonong luda' mokoondo' rondo' poyo luda' ondo' natiampal giu' ra tatanga' no.

YEHEZKIEL 2:9

Kopongo raginio nakito ku kalindu' ondo' pinatutui raki'. Kalindu' no nampaguut rondo' naskhah rinulun.

YEHEZKIEL 44:4

Ungkuyon no nagibit boo raki' ra saang Baloi ru Tuhan mansail ra kulobon garabang ralayo. Makakito Aku ra Baloi ru Tuhan liniputan ru sinda manguliat ondo' tatandu' ratangan ru Tuhan. Igulatur aku polos ra tana',

YEHEZKIEL 8:7

Nagibit Io raki' ra kulobon sumubol giu' ra liliut ra liwar am nanulu' raki' ra rondo' luang giu' ra timbok.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

DANIL 12:5

Kopongo raginio kakito ku ruo ngaulun ungkuyon, ondo' sangulun minigor ra igig ru sungoi tampilon ragiti, am sangulun poyo tampilon ra giu'.

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

AMOS 8:2

Nangkuot Tuhan, “Amos, atan kia nakito muno?” Taam aku, “Kikinawa' giu' ra ralalom ru bakul.” Indagu Tuhan raki', “Pupus ru ulun Kuno Israil nasaboi noyo. Kalo boo mangulau Aku ra guang Kuno; ukumin Ku ilo.

MIKA 4:7

Ilo kalo makalulu' am maalur intor ra baloi, kaa' mangani' Aku ra kaluagan bagu risilo ondo' lakat poyo maayag, am masauk ilo ra rondo' bansa' ondo' maayo. Mamarinta Aku risilo intor ra Bulur Sion suku' ra sabuoi-buoi no.”

JAKARIA 4:2

Nangkuot io, “Atan kia nakito muno?” Taam aku, “Nakito ku rondo' tampakan ra lampung mas. Tampilon ra rasawat nano mokoondo' rondo' mangkuk ru umau. Tampilon ra ragana' ru lampung no mokoondo' tulu' lampung ondo' moonong rondo' mokoondo' tulu' intok ru sumbu'.

LUKAS 12:8

“Mindagu Aku ramuyun, osoi mangiou ra saang ru ulun ra mangintopot io Raki', Anak ru Ulun pana mangiou ra ulun no ra saang ru malaikat-malaikat ri Aki Kapuuno'.

ROMA 9:33

Tinulisan noyo ra Buuk Kitab intor ra batu no koson ragitio; “Ilai', mapabanta' Aku ra batu giu' ra Sion, ondo' kasaruan ru ulun, rondo' batu maayo ondo' karatuan ru ulun. Kaa' osoi ayuk mangintopot Riso kalo mangkaus.”

PINAINTALANG 14:14

Aku pana nagilong am makakito ra gaun mapulak am mokoondo' ondo' nanturung rasawat ru gaun no makito koson ra ulun. Nangkaraun Io ra karaun mas am nampaguut Io ra tantab malarom.

PINAINTALANG 14:3

Giu' ra saang ru takhta, kaapat-apat ru ilo ondo' maayag am tingganai-tingganai no, minigor poyo 144,000 ngaulun no am marimbai ra rimbai nakabagu. Rimbai raginio kalo maalap kaigigila' ru osoi ayuk pana, kaa' maatus apat ngoopor am apat ngaribu ngaulun no ayuk sabap ra binayag ilo noyo ri Aki Kapuuno'.

PINAINTALANG 15:5

Kopongo raginio, kakito ku Baloi Tuhan giu' ra suruga', naukab am Kim Sambayangan nokosoroi ra ralalom no.

PINAINTALANG 22:4

Makakito ilo ra bulos Nano am inggalan Nano tulisin ra rabas nilono.

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.

PINAINTALANG 4:1

Kopongo raginio, pakitono' aku poyo. Ilai' ku naukab rondo' kulobon giu' ra suruga' no. Am naining ku bolos koson ra bujung, ondo' minindagu raki' ra talimpuun i, kono, “Pagaloi. Tuluin tokou atan ondo' inaru' masauk malupus ragitio.”

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.