PINAINTALANG 13:7 - Tanou Moonsoi Timugon

⁷ Iowon io mantula' ra ulun ri Aki Kapuuno' am niayuk mangala risilo. Am inanian io ra kuasa' mamarinta ra ngaangai' papag, ragu, bansa' am pagun.

PINAINTALANG 13:7 ပူးပေါင်းရင်းမြစ်များ

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

JISAYA 37:26

Kalo kia igondo' kau pokorongog ra Aku noyo nangatang ra ngaangai' no intor poyo ra galing i? Ragino binaal Ku noyo. Nanaak Aku rirun ra kuasa' koson mamuso ra bandar-bandar makatimbok saboi nongopopol.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

DANIL 7:21

Tatanga' ra aku magilong, sangau boborok no nampapatoi ra ulun ri Aki Kapuuno' am nangala risilo.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

LUKAS 4:6

Indagu Tingganai ru riwato no ri Jisus, “Pataakin ku Rirun ngaangai' kuasa' am kalangkayaan ti. Sabap ra ngaangai' no pinataak noyo raki' am pataakin ku ra osoi ayuk pana ondo' kasagaan kuno.

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

PINAINTALANG 10:11

Binalaan aku poyo, “Pabalaa' noyo saguli' tanou intor ri Aki Kapuuno' ti ra ngaangai' pagun, bansa', ragu am raja'.”

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

PINAINTALANG 11:7

Pakapambala' ilo ra tanou no, bibiag masigo ondo' mingkual intor ra intok ru ulun namagatoi no tumula' risilo. Mangala am mamatoi io risilo.

PINAINTALANG 12:17

Tambuakal no siminangit kaga' ra ruandu' no, saboi ongoyo' no tulaa' papag ra bokon intor ra ruandu' no; ioginio ngaangai' ulun ondo' gumagaya' ra panusuban ri Aki Kapuuno' am ondo' mangani' ra kaintutunan intor ri Jisus.

PINAINTALANG 17:15

Indagu boo malaikat no raki', “Timug ondo' nakito muno, ondo' tinurungan ru ruandu' mantatalan ra inan no, ioginio papag-papag, bansa'-bansa', ragu-ragu, am pagun-pagun.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.