PINAINTALANG 13:4 - Tanou Moonsoi Timugon

⁴ Sambaan nilo tambuakal no sabap ra nakapangani' io ra kuasa' nano ra bibiag masigo no. Sambaan nilo niayuk bibiag masigo no, konilo, “Kolondo' noyo kuasa' mokogondo' ra bibiag masigo ti. Kolondo' makagula' riso!”

PINAINTALANG 13:4 ပူးပေါင်းရင်းမြစ်များ

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

JISAYA 46:5

“Osoi kia pogondoon min Raki'? Mokoondo' kia osoi mokogondo' Raki'?

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

SAGULION 9:2

Ulun ra giu' mangasawat am mangaikang; ilo no maayo ulun, am norongog min noyo ra kolondo' sangulun pana makagula' risilo.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

PINAINTALANG 12:3

Giu' boo ra limbowon no makito rondo' poyo tatandu' makaimuag. Mokoondo' sanginan tambuakal malia' ondo' maayo kaga', makaulu tulu' am makasangau mopor. Rorondo' ra ulu nano makakaraun.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.

PINAINTALANG 13:11

Kakito ku poyo sanginan bibiag masigo ra bokon siminalula' intor ra ralalom ru tana'. Mokoondo' io ra ruo sangau koson ra sangau ru anak domba am bolos nano koson ra bolos ru tambuakal.

PINAINTALANG 13:15

Bibiag masigo karuo no inanian ra kuasa' mamayag ra sinungkalalaing no, saboi sinungkalalaing no makaindagu am makapamatoi ra ngaangai' ondo' kalo masaga' sumamba riso.

PINAINTALANG 13:2

Bibiag masigo ondo' nakito kuno, baal nano koson ra rimau am kalayam nano koson ra kalayam ru baawang am kabang nano koson ra kabang ru singa'. Tambuakal ni nangani' ra ikang nano galama' ra bibiag masigo no am takhta nano am kuasa' ra maayo.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 18:18

Paat ra nakito nilo lisun ru apui ondo' monolob ra bandar no, golok ilo, konilo, “Kolondo' bandar ra bokon koson ra bandar ondo' maayo ti!”

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.

1 SAMUIL 17:24

Pakakito saujor-saujor ru Israil ri Goliat, nagigiru' ilo ra nalaa'.