PINAINTALANG 13:3 - Tanou Moonsoi Timugon

³ Rondo' intor ra tulu' ulu no makito koson mokoondo' pilat maayo ondo' makapatoi, kaa' pilat no napali' noyo. Ngaangai' ulun ru tana' ti nangimuag ra bibiag masigo no, am baya' ilo boo riso.

PINAINTALANG 13:3 ပူးပေါင်းရင်းမြစ်များ

YEHEZKIEL 30:24

Aku pana mampaikang boo ra kalindu' ru raja' ru Babilonia am ilang Kuno pabantaan ra kalindu' nano. Kaa' pandakon Ku kalindu' ru raja' ru Misir saboi io mampalaa marualan am matoi giu' ra saang ru raja' ru Babilonia.

LUKAS 2:1

Paat ragili i Kaisar Agustus nanusub ra ngaangai' mamagun ralalom Empayar Roma, mongoi panulis ra inggalan nilo koson manguntob ra suang ru ulun.

JUANIS 12:19

Ulun-ulun ru Parisi nagindagu ra rondo' am bokon, konilo, “Ilai', ngaangai' ulun ru tana' ti maya' boo Riso. Banangan takau ayuk!”

RINALATAN 8:13

I Simon galama' pana nangintopot ra Tanou raginio. Kariu' io raiti am baya' io ayuk boo ri Pilipus, am nangimuag io nakakito ra tatandu' am kaimuagan ondo' binaal ri Pilipus.

PINAINTALANG 13:12

Ngaangai' kuasa' ru bibiag masigo kasaa' no pinaugar no ra saang nano. Ngaangai' minayan ra tana' ti jajalin no sumamba ra bibiag masigo kasaa' no, ondo' pilat makapatoi i kaa' napali' noyo.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 17:10

Limo intor ra tulu' ngaulun raja' no minatoi noyo; sangulun no lakat ayuk poyo mamarinta am sangulun kalo poyo sumalula'. Ondo' sumalula' no sangkinolor ayuk io mamarinta.

PINAINTALANG 17:11

Bibiag masigo ondo' galing i naayag kaa' raino kalo boo, io no raja' kabalu' ondo' sotopot no sangulun intor ra tulu' ngaulun raja' i, am io ti pusoon.

PINAINTALANG 17:13

Pogogondoon ru mopor ngaulun raja' ti guang nilono; ngaangai' ikang am kuasa' nilono pataakin ra bibiag masigo no.

PINAINTALANG 17:17

Sabap ri Aki Kapuuno' nakapangulau noyo ra guang nilono mampaugar ra kasagaan Nano. Pogogondoon ri Aki Kapuuno' guang nilono koson mampataak ra kuasa' nilono ra bibiag masigo no, ondo' mamarinta saboi masauk atan ondo' pinabala' ri Aki Kapuuno' i.

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.