PINAINTALANG 13:16 - Tanou Moonsoi Timugon

¹⁶ Ngaangai' ru ulun, malawo am maikang, langkaya' am musikin, ulipon am kalo inulipon, jajalin ilo ru bibiag masigo no ra tatanduin kalindu' ra pamiris kapoam rabas nilono.

PINAINTALANG 13:16 ပူးပေါင်းရင်းမြစ်များ

2 TUNUNG RU BANSA' ISRAIL 15:13

Osoi ayuk pana, matutuo kapoam mamulok, ungkuyon kapoam ruandu', ondo' kalo maayag sumugut ra kasagaan ru Tuhan, i Aki Kapuuno' ru Israil, musiti' ukumin ra matoi.

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

MAZMUR 115:13

Mambarakat Io ra ngaangai' ulun ondo' mangurumat Riso; ioginio ulun langkaya' kapoam musikin.

MAZMUR 49:2

Rongogo' noyo gitio, akau ngaangai' ulun. Rongogo' noyo, akau ngaangai' namagun ra tana' ti,

KAINGKUALAN 13:9

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas mino, koson mapakara' ramuyun ra musiti' kau marayus-rayus mindagu am mintutun ra Ukum ru Tuhan, sabap ra nagibit noyo Tuhan ramuyun miningkual intor ra Misir ralalom ru kuasa' Nano ra maayo.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

JAKARIA 13:6

Amon mangkuot ulun riso, ‘Pilat ru atan giu' ra kubab muno?’ Tumaam io, ‘Pilat ti noowot ku paat giu' ra baloi ru rangan kuno.’ ”

RINALATAN 26:22

Kaa' saboi raino ti inindangan aku ri Aki Kapuuno'. Ilai' raino ti, mangani' aku niayuk ra kaintutunan kuno ra ngaangai' ulun, ondo' maatang kapoam kalo. Atan ondo' rinagu kutu koson ayuk ra ondo' pinabala' ru nabi-nabi am niayuk ri Musa:

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

GALATIA 6:17

Ondo' pupus ti poyo, pai' noyo sangulun pana pampakapagon raki', sabap ra pipilat ru inan kutu noyo mampakito ra aku ti nanginsugut toojo ri Jisus.

IPISUS 6:8

Karaa' min noyo ra moonong ulun, iou pana ulipon kapoam kalo, mokoowot ilo niayuk ra ampos intor ra Tuhan sumugut ra atan ondo' baalon nilo ra moonsoi.

SAGULION 11:18

Karaa' noyo am ilai' ukum-ukum raginio. Pobongkoso' ukum raginio ra kalindu' am rabas min koson ra pangkaraan.

SAGULION 6:8

Pobongkoso' ukum raginio ra kalindu' min am pobongkoso' ginio ra rabas min koson ra tatandu' pangkaraan.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

2 TIMOTIUS 3:8

Mogondo' ra i Janis am i Jambris minanggal ilo ri Musa ra galing i, koson niayuk ulun raginio manggal ilo ra pangilaan motopot. Kalo matanda' pangkaraan nilo am pangintapatan nilo pana kolondo' onong.

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

PINAINTALANG 15:2

Kopongo raginio, kakito ku poyo rondo' baal koson ra raat asilan naratok ra apui. Nakito ku niayuk ilo ondo' nangala ra bibiag masigo, sinungkalalaing nano am ra ulun ondo' inggalan nano tinatanduan ra numbur. Minigor ilo ra kiing ru raat asilan liliwa' nampaguut ra jitor ondo' pinataak ri Aki Kapuuno' risilo.

PINAINTALANG 19:18

Ioginio baangkai ru raja', tingganai ru saujor am saujor; ondo' nanangkuda mabaya' ra kuda-kuda; baangkai ru ngaangai' ulun ru tana', langkaya' am musikin, ulipon am kalo inulipon!”

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 19:5

Morongog boo intor ra takhta no bolos mindagu, kono, “Akau ngaangai'; ulipon Nano am ngaangai' ulun, langkaya' am musikin am ondo' mangurumat Riso; Koompor noyo i Aki Kapuuno'.”

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

PINAINTALANG 6:15

Ngaangai' boo ru ulun, raja' ru tana' ti, pamarinta, tingganai ru saujor, ulun langkaya' am ulun makakuasa', ulipon kapoam ulun kalo inulipon, mansibuni ilo ti ra luang batu am ra sisipan ru batu giu' ra gunung.

PINAINTALANG 7:3

Indagu malaikat no, “Pai' poyo lunsayo' lantur, raat kapoam puun-puun tataun saboi tinatanduan takau noyo rabas ru ulipon-ulipon ri Aki Kapuuno'.”