PINAINTALANG 12:9 - Tanou Moonsoi Timugon

⁹ Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 12:9 ပူးပေါင်းရင်းမြစ်များ

KASAUKAN 3:1

Kukuo rondo' bibiag ondo' mapintar kaga' intor ra ngaangai' bibiag ondo' binaal ru Tuhan i Aki Kapuuno'. Pangkuot kukuo no ra ruandu' no, “Motopot kia minindagu i Aki Kapuuno' ra kalo maakan min kinawa' intor ra ngaangai' puun ondo' soroi ra taman ti?”

KASAUKAN 3:13

Pangkuot Tuhan i Aki Kapuuno' ra ruandu' no, “Kua guat baalo' mu ginii?” Taam io, “Rinuung aku ru kukuo saboi inakan ku kawa' no.”

1 TUNUNG RU BANSA' ISRAIL 21:1

Masaga' Tingganai ru riwato mantipagon ra ulun ru Israil; ginio boo ra inambi' no Raja' Daut maa' raginio manguntob ra mamagun ru Israil.

2 TUNUNG RU BANSA' ISRAIL 18:21

Taam ambiluo no, ‘Mangkinibit aku ra ngaangai' nabi ri Agab magabau.’ Indagu Tuhan, ‘Ongoi no ruungo' io. Makasugut kou.’ ”

MAZMUR 109:6

Pasauko' noyo sangulun malaat koson mangakim ra pantula' kuno, am polosoon noyo pantula' no tagion ru pantula' nano galama'.

JISAYA 14:12

Alii ra raja' ru Babilonia, butitin ru susuab ondo' moonsoi kaga', naratu' kono intor ra limbowon! Galing i nangala kou ra bansa'-bansa', kaa' ragino okou pinatiran ra tana'.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

JISAYA 65:25

Taani am anak domba masisimpung mangakan, singa' mangakan ra rami koson ra sapi', am kukuo kalo boo makakalalaa'. Giu' ra Sion, bulur Kuno ra matulai, kolondo' boo makalalaa', kapoam malaat.”

YEHEZKIEL 28:16

Kumantisuk kou ra talanon muno; baal raginio noyo ondo' nangkinibit rirun liminaat am makatula. Ginio ra pinagiru' Tokou intor ra gunung Kuno ondo' matulai am kirub ondo' magalung rirun nampagiru' rirun intor ra tatanga' ru batu mologo ondo' manguliat no.

MATIUS 13:39

Pantula' ondo' nampatias ra sampug ru alab no Tingganai ru riwato. Pangkumasan no, ioginio Orou Pupus no, am ulun ondo' mangkumos no malaikat-malaikat.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 4:1

I Jisus pana inibit boo ru Ambiluo ri Aki Kapuuno' giu' ra tana' kaagisan koson kinamin Io ru Tingganai ru riwato.

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

MATIUS 4:5

Tingganai ru riwato no pana nagibit boo ri Jisus giu' ra bandar Jirusalim, suku' ra tampak ru Baloi Tuhan,

MATIUS 4:8

Tingganai ru riwato no pana nagibit boo ri Jisus ra rondo' gunung ondo' masawat toojo, am pinakito no Io ra ngaangai' pamarintaan ru tana' ti am kalangkayaan nilono.

LUKAS 10:18

Indagu i Jisus risilo, “Nakito Ku Tingganai ru riwato naratu' intor ra limbowon koson ra ganit.

LUKAS 13:16

Ilai' ruandu' papag ri Abragam ti, binangkil io ru Tingganai ru riwato buoi mopor am balu' ngambilor. Kalo kia bugalon babangkil nano paat ra orou Sabat?”

LUKAS 22:3

I Judas, ondo' sabiton ri Iskariot, sinubol ru Tingganai ru riwato. I Judas ti sangulun intor ra mopor am ruo ngaulun maamaya' ri Jisus.

LUKAS 22:31

“Simon, rongogo'! Tingganai ru riwato no iniou noyo mangkinam ramuyun ngaangai' koson ra sangulun mangatap ra bilor.

LUKAS 8:12

Ondo' naratu' ra bayaan ru ulun i, io no ulun ondo' mangkirongog ra bala' ragitio. Kaa' ratong tingganai ru riwato am alapo' no bala' no intor risilo koson kalo boo mangintopot am kalo boo bayagon ilo.

JUANIS 12:31

Raino ti noyo pangakiman ra ulun ru tana' ti; raino ti alapon noyo kuasa' intor riso ondo' manguasa' ra tana' ti.

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

JUANIS 16:11

I Aki Kapuuno' niayuk nakatalimpuun noyo mangukum, sabap ra io ondo' manguasa' ra tana' ti inukum noyo.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

RINALATAN 5:3

Indagu i Pitrus riso, “Ananias, kua polosoo' mu Tingganai ru riwato mangkinibit rirun magabau ra Ambiluo ri Aki Kapuuno', ra inalap mu santayaran ra ruit ru tana' tinalan muli?

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

2 KORINTUS 11:14

Ginio kalo makaimuag! Tingganai ru riwato pana makasalu ra malaikat ri Aki Kapuuno' ondo' makasinda.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

2 KORINTUS 12:7

Kaa' maa' raginio kalo minsawat guang kutu sabap ra kinibit ru papakitanan ondo' makaimuag, inanian aku ra rondo' maruol ra inan kutu. Mansail ra maruol ti magail aku imboloon ru Tingganai ru riwato, maa' raginio kalo boo minsawat guang kutu.

2 KORINTUS 2:11

Maa' raginio kolondo' kaluagan ru Tingganai ru riwato manguasa' ritakau; sabap ra nakapandai takau no ra atan ondo' atangon nano.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

1 TIMOTIUS 2:14

Am pai' ru i Adam naruung kaa' ruandu' i, saboi kalo boo ginagaya' no susuban ri Aki Kapuuno'.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

JUDAS 1:9

Kaa' Tingganai ru malaikat, i Maikol galama', kalo noyo igondo' pakakau' nambaal koson raginio. Paat ra io am Tingganai ru riwato no nagaau ra baangkai ri nabi Musa i, kalo noyo nakakau' i Maikol ti nagibot riso ra ragu magasab. Minindagu io ayuk ra, “Tuhan galama' mangukum rirun!”

PINAINTALANG 12:12

Sabap raginio, pakaansuk noyo suruga' am ngaangai' ondo' minayan no. Kaa' aibui boo ra tana' ti am raat, sabap ra Tingganai ru riwato no timinuun ra giu' am sumangit io toojo, sabap ra nakatutun io ra kaluagan nano kalo mabuoi.”

PINAINTALANG 12:3

Giu' boo ra limbowon no makito rondo' poyo tatandu' makaimuag. Mokoondo' sanginan tambuakal malia' ondo' maayo kaga', makaulu tulu' am makasangau mopor. Rorondo' ra ulu nano makakaraun.

PINAINTALANG 12:7

Mangayou boo giu' ra suruga' no. I Maikol am malaikat-malaikat nano mangayou ra tambuakal no. Tambuakal no inindangan ru malaikat-malaikat nano galama',

PINAINTALANG 12:8

kaa' kinala ilo. Tambuakal am malaikat-malaikat nano kalo boo paayanon ra suruga' no.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 16:14

Sotopot no, ilo ti riwato ondo' mambaal ra kaimuagan. Katalu-talu riwato no mongoi panimung ra ngaangai' raja' ru tana' ti koson mangayou paat ra Orou maayo ri Aki Kapuuno' ondo' Maayo Kaga' Kuasa'.

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.

PINAINTALANG 18:23

Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 2:24

“Kaa' akau ondo' bokon no ra bandar Tiatira, ondo' kalo minaya' ra pangilaan malaat no am kalo mila' ra kapandayan ru Tingganai ru riwato, balain takamin: kalo boo ruangin Ku kapaganan maagat min.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 20:8

Mongoi io pamparuung ra ngaangai' bansa' ra titikop ru tana' polos ra pagun Gog am Magog. Timungon ilo ru Tingganai ru riwato no mongoi pantula' am suang nilono mogondo' ra suang ru agis giu' ra kiing ru raat.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

PINAINTALANG 9:1

Malaikat kalimo no boo nanamput ra bujung. Kakito ku boo rondo' butitin ondo' riminatu' ra tana' i am butitin no inanian ra kunsi' ru intok ru ulun namagatoi.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.