PINAINTALANG 11:8 - Tanou Moonsoi Timugon

⁸ Baangkai nilono makalampik ra ralan ru bandar maayo, ioginio nanalipan ra Tuhan nilono. Pagabigan ra bandar raginio Sodom kapoam Misir.

PINAINTALANG 11:8 ပူးပေါင်းရင်းမြစ်များ

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 19:24

Pulalii' ru Tuhan napatuun ra rasam makabalirang ondo' makaapui ra bandar Sodom am Gomora.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

JISAYA 3:9

Kinalaat nilono mauligan intor ra bulos nilono. Kalo boo moopot nilo mambaal ra tula koson ra mamagun ru Sodom ra galing i. Alii boo risilo no! Maparatong ilo ra karaat ru inan nilo galama'.

JIRIMIA 23:14

Kaa' giu' ra Jirusalim, nakakito Aku ra nabi-nabi nambaal ra baal ondo' malaat poyo kaga'. Nagabau am nansawa' ilo, am niayuk siminaung ra ulun ondo' nambaal ra malaat, saboi kolondo' sangulun pana masaga' tumalikur intor ra tula. Koson Raki', ngaangai' ilo malaat koson ra mamagun ru Sodom am Gomora.”

JIRIMIA 26:23

Inibit nilo io siminaguli' ra Raja' Joyakim. Raja' pana nanusub boo ra ulun namatoi riso, am baangkai nano pinatiran giu' ra tana' kalabangan ru ulun kasuangan.

YEHEZKIEL 16:46

“Maayo ruandu' muno iono Samaria giu' ra tampilon ralayo am pekan-pekan ra mamaar riso. Boborok ruandu' muno Sodom giu' ra tampilon rabugus am pekan-pekan ra mamaar riso.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

YEHEZKIEL 23:19

Gumaai-gaai boo io masalok mantalan ra inan. Paliso nano koson paat ra io mamulok giu' ra Misir.

YEHEZKIEL 23:27

Langgain Ku guang malaai muno am kandoi mantalan ra inan ondo' binaal muno intor kou poyo giu' ra Misir. Kalo boo makakito kou ra sinungkalalaing kapoam mangkara' ra Misir.”

YEHEZKIEL 23:3

Paat ra lakat poyo mamulok, minayan ilo giu' ra Misir. Giu' no nairu' ralaa nilo am nasauk ra ruandu' mantalan ra inan.

YEHEZKIEL 23:8

Nararayus io mantalan ra inan koson ondo' binaal nano ragili giu' ra Misir, intok nairuan ru ralaa nano. Intor ra io mamulok, ungkuyon narulug riso am pinamakuan riso koson ra ruandu' mantalan ra inan.

YEHEZKIEL 37:11

Indagu i Aki Kapuuno' raki', “Okou ulun mapandai matoi, ulun ru Israil nogondo' koson ra bungul-bungul no. Kon nilo ra mapua' ilo, ra kolondo' kalansanan am kolondo' orou tauli.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

IBRANI 13:12

Ginio nai i Jisus pana minatoi giu' ra liwar ru bandar i, maa' raginio, mansail ra raraa' Nano galama' ondo' pinasasar makapamasau Io ra ulun intor ra tula.

IBRANI 6:6

Amon ru nakaili' ilo ngaangai' raginio, bagu liminugut ilo intor ri Kristus, kalo boo lair makatalikur ilo saguli', sabap ragitio koson ayuk ra manalip ilo poyo saguli' ra Anak ri Aki Kapuuno' saboi asabin nilo Io ra saang ru ulun masuang.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 11:9

Ulun intor ra moonong pagun, bansa', ragu am papag magilong ayuk ra baangkai nilo buoi talu ngoorou naintanga' am kalo mataak nilo baangkai-baangkai no lobongon.

PINAINTALANG 14:20

Kawa' ru anggur no pagaan ra liwar ru bandar, am intor ra intok pamagaan no nampaliur raraa' koson ra sungoi ondo' galur no talu ngaatus ngakilomito am landom no ruo ngamito.

PINAINTALANG 14:8

Kopongo malaikat kasaa' no sunu' poyo malaikat karuo ondo' minindagu, “Nalunsai io noyo! Bandar Babil ondo' maayo no nalunsai noyo! Mamagun nano mangkimait ra ngaangai' bansa' ra pansasawaan nilo, mogondo' ra ulun jajalin gauko' ra wain.”

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.

PINAINTALANG 17:1

Kopongo raginio, sangulun intor ra katulu' malaikat no ondo' nampaguut ra tulu' sangkir no, uma' raki' am indagu, “Ibok, tuluin tokou ati koson ruandu' mantatalan ra inan ondo' kauligan kaga' no ukumin. Ioginio, bandar maayo no ondo' binaal mamaar ra sungoi ondo' masuang kaga'.

PINAINTALANG 17:18

Ruandu' ondo' nakito muno ioginio bandar maayo, io no raja' ondo' mamarinta ra raja'-raja' ru tana' ti.”

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”

PINAINTALANG 18:10

Migor ilo ra maalur sabap ra malaa' ilo maingkinibitan ra kaimbalaan no, konilo, “Aibui, bandar ondo' nauligan toojo ru ulun. Aibui, bandar Babil ondo' maayo. Ralalom sanjam ayuk pangukuman rirun!”

PINAINTALANG 18:18

Paat ra nakito nilo lisun ru apui ondo' monolob ra bandar no, golok ilo, konilo, “Kolondo' bandar ra bokon koson ra bandar ondo' maayo ti!”

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.

PINAINTALANG 18:21

Rondo' malaikat ra maikang no boo nangkayang ra rondo' batu kinsaran maayo am patiri' no ra raat am indagu, “Koson noyo ragitio baal ru bandar Babil ondo' maayo, lunsayon saboi mapuso am kalo boo makito io.

PINAINTALANG 18:24

Bandar Babil no linunsai sabap ra mamagun no nampatoi ru nabi-nabi am ulun ri Aki Kapuuno' ra giu' no – ioginio nampatoi ilo ra ulun ra titikop ru tana' ti.