PINAINTALANG 11:6 - Tanou Moonsoi Timugon

⁶ Mokoondo' ilo ra kuasa' mangangob ra limbowon ti saboi kalo boo rumasam buoi ilo mampabala' ra tanou intor ri Aki Kapuuno'. Mokoondo' ilo niayuk ra kuasa' ra ngaangai' taur ru timug, koson makapangulau ra timug no masauk ra raraa'. Mokoondo' ilo niayuk ra kuasa' mambaal ra nansalinut kapaganan malaat ra tana' sasanggilan ayuk maya' ayuk ra kasagaan nilo galama'.

PINAINTALANG 11:6 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

LUKAS 4:25

Balain takamin: Bulintok ru Nabi Ilia ra galing i, mokoondo' tampio buoi talu ngambilor am naintanga' ra ngaangai' pagun. Paat ragili bitilan giti ra pagun Israil am masuang napuor.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”

PINAINTALANG 16:3

Pasasaro' boo ru malaikat karuo no suang ru sangkir nano ra raat. Timug ru raat no nasauk koson ra raraa' ru baangkai am ngaangai' ondo' maayag ra raat no minatoi.

PINAINTALANG 16:4

Pasasaro' boo ru malaikat katalu no suang ru sangkir nano ra sungoi am taur-taur ru timug am ngaangai' timug nasauk ra raraa'.

PINAINTALANG 8:8

Malaikat karuo no nanamput ra bujung nano. Mokoondo' boo koson ra gunung maayo siminimbula' pinapatir ra raat. Sampitalu ru raat no masauk ra raraa'.

1 SAMUIL 4:8

Osoi kinua' makapamayag ritakau intor ra dewa-dewa ondo' maikang no? Dewa-dewa raginio noyo ondo' nakapamuso ra ulun ru Misir giu' ra tana' kaagisan ragili.