PINAINTALANG 11:12 - Tanou Moonsoi Timugon

¹² Korongog boo ru karuo ngaulun nabi no bolos mapuor intor ra suruga' minindagu risilo, “Ibok no, pagaloi ragiti!” Liliwa' pantula' nilono magilong, kulumputo' ruo ngaulun nabi no ru gaun mongoi ra suruga'.

PINAINTALANG 11:12 ပူးပေါင်းရင်းမြစ်များ

2 RAJA'-RAJA' 2:1

Paat no nasaboi ra Tuhan koson mangkayang ri Ilia ra suruga' ralalom ru bagiu'. Paat raginio i Ilia am i Ilisa minintor intor ra Gilgal.

2 RAJA'-RAJA' 2:11

Narayus ilo nagindagu liliwa' namparayus ra pangkiralanan. Pulusat ru rondo' kurita' kuda makaapui ondo' binunduk ru kukula' ngainan kuda makaapui napatuliar risilo, am i Ilia kinayang ra suruga' ru bagiu' mapuor kaga'.

2 RAJA'-RAJA' 2:5

Santimungan ru nabi ondo' minayan giu' ra Jiriko mininggaar ri Ilisa am pangkuot riso, “Nakapandai kono kia ra Tuhan no mangalap ra tuan muno intor rirun ra orou raiti'?” Taam i Ilisa, “Nakapandai aku, kaa' pai' takano raguo' baal raginio.”

2 RAJA'-RAJA' 2:7

Limo ngoopor ngaulun intor ra santimungan ru nabi minaya' risilo mongoi ra Sungoi Jordan. I Ilia am i Ilisa minuog ra kiing ru sungoi, am limo ngoopor ngaulun nabi no minigor kalo maalur intor ra giu' no.

MAZMUR 112:10

Ulun malaat sumangit magilong ra baal koson raginio; masisang ilo magilong raki'. Ilo pana mapuso boo; gogoton nilo natatak ra sabuoi-buoi no.

MAZMUR 15:1

Mazmur ri Daut. Iou Tuhan, osoi kia ondo' makaayan sangkinolor ra Kim Muno? Osoi kia makaayan ra Sion, bulur Muno ondo' matulai no?

MAZMUR 24:3

Osoi kia makakau' magaloi ra bulur ru Tuhan am sumubol ra Baloi Nano ra matulai?

MAZMUR 86:17

Iou Tuhan, paintalango' kinoonsoi Muno raki', am ulun ondo' masisang raki' maringkauyu', magilong bulintok ra Okou mapabansuk am mangindangan raki'.

KAINGKUALAN 14:25

Nangkinibit Io ra luda' ru kurita' kuda nilo maimpong saboi mapagon mugar. Indagu ulun ru Misir, “Sumumbung Tuhan ra ulun ru Israil koson manggal ritakau. Ibok no pagiru' takau intor ragiti!”

JISAYA 14:13

Gumogot kou magaloi ra limbowon am mapauli ra panturungan muno ra rasawat ru butitin-butitin ondo' masawat kaga'. Pangkaraan muno makaturung kou koson ra raja' ra rasawat ru gunung giu' ra ralayo, intok timungan ru dewa-dewa.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JISAYA 60:8

Atan kia mansiab koson ra gaun, koson ra susuit asang ondo' mansiab muli'?

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

LUKAS 16:23

Liliwa' io imboloon giu' ra naraka, nantingaa' io ra rasawat am nakito no intor ra maalur i Abragam am i Lajarus nagumbir.

RINALATAN 1:9

Karagu ayuk i Jisus ginii, kinayang Io mongoi ra suruga' liliwa' ilo nagilong, am gaun i pana nanili Riso intor ra pagilangan nilai.

1 TISALONIKA 4:17

Itakau boo ondo' maayag ayuk poyo paat raginio kayangon maya' ra gaun mababaya' risilo, mongoi tuum ra Tuhan giu' ra limbowon. Itakau pana masimpung boo ra Tuhan ra sabuoi-buoi no

PINAINTALANG 12:5

Paganak boo ruandu' no ra sangulun anak ungkuyon ondo' inaru' mamarinta ra ngaangai' bansa' ra kuasa' kalo makaasi'. Kaa' anak no ginaau intor ra ruandu' no am inibit mongoi ri Aki Kapuuno' ra saang ru takhta Nano.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 4:1

Kopongo raginio, pakitono' aku poyo. Ilai' ku naukab rondo' kulobon giu' ra suruga' no. Am naining ku bolos koson ra bujung, ondo' minindagu raki' ra talimpuun i, kono, “Pagaloi. Tuluin tokou atan ondo' inaru' masauk malupus ragitio.”