PINAINTALANG 11:10 - Tanou Moonsoi Timugon

¹⁰ Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.

PINAINTALANG 11:10 ပူးပေါင်းရင်းမြစ်များ

1 RAJA'-RAJA' 18:17

Paat ra Raja' Agab nakakito ri Ilia, indagu Raja' Agab, “Gitio gili, i jumajou giu' ra Israil!”

1 RAJA'-RAJA' 21:20

Paat ra Raja' Agab nakatuum ri Ilia, indagu io, “Okou pantula', pupus ti nakasugut kou nakatuum raki'!” Taam i Ilia, “Topot. Binaal muno malaat ra pagilangan ru Tuhan.

1 RAJA'-RAJA' 22:18

Indagu Raja' Agab ra Raja' Josapat, “Nambala' aku noyo rirun raja' ra io kalo igondo' panala' ra baal ondo' moonsoi raki'! Masalok io manala' ra baal ondo' malaat!”

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

MAZMUR 13:4

Ilai' aku no, iou Tuhan, i Aki Kapuuno' kuno am taamo' noyo pakiasian kuno. Kaligago' inan kuno; pai' polosoo' ra aku matoi.

MAZMUR 35:19

Pai' polosoo' pantula' ra maabau-abau no, ondo' magasab ra naalaan kuno! Pai' polosoo' ulun ondo' masisang raki' ra kolondo' sasaban, maansukan ra kangilukan kuno!

MAZMUR 89:42

Ngaangai' ulun mansail ra giu' no mantakou ra kuliamos nano; ngaangai' ru pinasambalayan nano magasab riso.

AMSAL 24:17

Pai' pakaansuk bulintok ra pantula' muno matiu' ra karaat, am pai' pakakurit amon maratu' io.

JIRIMIA 38:4

Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

OBAJA 1:12

Akau sotopot no kalo maansukan sabap ra karaat ondo' nakalumpa' ra pabukat min giu' ra Jiuda. Akau sotopot no kalo maansukan paat ra orou ilo mapuso. Akau sotopot no kalo makakurit risilo paat ra ilo mapagon.

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

MATIUS 10:22

Ginio ra moonong ulun masisang ramuyun sabap ra akau mangintopot Raki'. Kaa' osoi mokoorot saboi ra tauli no io ti bayagon.

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

JUANIS 7:7

Akau kalo kasisangin ru ulun ru tana' ti, kaa' Aku kasisangin nilo, sabap ra masalok Aku mampasalula' ra kalaatan nilono.

RINALATAN 5:33

Pakaining ulun-ulun ru Majlis Ugama ra ragu ni, siminangit ilo toojo saboi masaga' ilo ra rasul-rasul no ukumin ra potoyon.

1 KORINTUS 13:6

Kalo kaansayin no kalaatan, kaa' maansayan io ra baal moonsoi.

PINAINTALANG 12:13

Paat ru tambuakal no nakaliman ra pinatiran io noyo ra tana' ti, timinalimpuun io boo mangilou ra ruandu' ondo' naganak ra lalagang ungkuyon no.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 16:10

Pasasaro' boo ru malaikat kalimo no suang ru sangkir nano ra takhta ru bibiag masigo no. Ginio ra intok kinuasa' ru bibiag masigo no liminondom am ulun-ulun no nongokot ra rila' nilai galama' sabap ra maruol no.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.