PINAINTALANG 10:4 - Tanou Moonsoi Timugon

⁴ Pakataam ilo ayuk am tulisin ku, kaa' korongog ku rondo' bolos intor ra limbowon minindagu ra, “Sibunio' noyo atan ondo' rinagu ru tulu' timpalak ni, am pai' tulisi'.”

PINAINTALANG 10:4 ပူးပေါင်းရင်းမြစ်များ

JISAYA 29:11

Arati' ru moonong pinaintalang makasibuni intor ramuyun koson buuk pinurun ondo' sinaapan. Amon ibiton min buuk rinulun no ra sangulun mapandai mambasa' am manusub riso mambasa', mindagu io kalo makakau' sabap buuk no sinaapan.

JISAYA 8:1

Tuhan minindagu raki', “Pangalap rondo' batu pamatikan ra maayo, am patuliso' ragu ragitio ra rasawat no maa' raginio maalap kabasa' ru moonong ulun: ‘Tokowo' ribaki', gaawo' mataki'’.

JISAYA 8:16

Akau, maamaya' raki' musiti' no mampauli am magalung ra bilin-bilin ondo' pinataak ri Aki Kapuuno' no raki'.

DANIL 12:4

Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

DANIL 12:9

Taam io, “Okou Danil, musiti' kou mongoi raino, sabap ra ragu-ragu raginio musiti' kalo pabalaan saboi ra orou pupus.

DANIL 8:26

Pinaintalang intor ra taak simbalui ra susuab ti am taak simbalui ra mamai' ti ondo' pinakito rirun no niayuk masauk. Kaa' pai' raguo' ginio ra osoi ayuk, sabap ra lakat poyo mabuoi ra kalo poyo masauk baal raginilo.”

SAGULION 29:29

Topot ra mokoondo' kukula' baal ondo' kalo pinabala' ru Tuhan i Aki Kapuuno' takau, kaa' nambala' Io noyo ritakau ra Ukum Nano, am itakau am niayuk papag takau musiti' maya' raginio ra sabubuoi no.”

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

PINAINTALANG 1:19

Ginio nai ra tulisi' noyo baal ondo' makito muno, baal soroi ra raino ti am baal masauk ra maagu no.

PINAINTALANG 10:8

Bolos intor ra suruga' ondo' minindagu raki' ni, nambala' poyo raki', kono, “Ongoyo' noyo alapo' naskhah rinulun boborok ondo' nabingkal intor ra kalindu' ru malaikat no ondo' migor ra raat am lantur no.”

PINAINTALANG 22:10

Indagu io poyo raki', “Pai' noyo pasibunio' bala' ondo' pinaintalang ralalom kitab ti, sabap ra mamaar noyo orou ngaangai' baal ragitio masauk.