PINAINTALANG 1:9 - Tanou Moonsoi Timugon

⁹ Aku, i Juanis, pabukat min ondo' nogondo' niayuk ramuyun maimbolo' sabap ra gumagaya' ri Jisus, am maginaa poyo ra ratangan ru pamarintaan Nano ra guang mataan. Inaput aku ra Pulu' Patmos sabap ra mampatanou ra bala' ri Aki Kapuuno' am ra katapatan ondo' pinakito ri Jisus.

PINAINTALANG 1:9 ပူးပေါင်းရင်းမြစ်များ

MATIUS 20:23

Indagu poyo i Jisus, “Maaru' manginum kau ra sangkir kaimbalaan Kuno. Kaa' manturung ra pamiris am kait Kutu sala' ka Aku ra kuasa'. Intok raginio mokoondo' noyo ulun inaru' ri Ama' Kuno.”

MARKUS 10:39

Taam ilo, “Makakau' akai.” Indagu poyo i Jisus risilo, “Maaru' manginum kau ra sangkir kaimbalaan ondo' maaru' inumon Kuno am manguma' kau ra pampariwan kaimbalaan ondo' maaru' umaan Kuno.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

ROMA 8:17

Sabap ra itakau noyo anak ri Aki Kapuuno', makaapu takau ra barakat Nano ondo' inula' No ra ulun Nano. Mabaya' ri Kristus, makaapu takau poyo ra atan ondo' inula' noyo ri Aki Kapuuno' Riso. Sabap ra amon ru itakau makaaya' maimbolo' koson ri Kristus, makaaya' takau niayuk katulayon koson Riso.

ROMA 8:25

Kaa' amon ru lumansan takau ra atan ondo' kalo poyo makito, kulimanon takau ra guang mataan.

2 KORINTUS 1:7

Kalo igondo' akai kaimamang malansan ramuyun; sabap ra nakapandai akai ra kabalu' pana akau maimbolo' pakaaya' ramon, makaapu kau niayuk ra kaindanganan koson ramon.

PILIPI 1:7

Moonsoi noyo ra aku maansukan ramuyun, sabap ra kabalu' pana maalur ayuk ra mato, mamaar kau ayuk ra guang kuno. Am itakau ngaangai' nakapagagapu poyo ra kataawan ri Aki Kapuuno', iou pana raino, ra aku inaput ra lamin pangaputan, kapoam paat ra aku nakapampainono' am nampapiot poyo ra Tanou Moonsoi no ra ulun masuang no.

PILIPI 4:14

Kaa' moonsoi niayuk binaal minti ra nangindangan kau raki' paat ra aku makakapaganan.

2 TISALONIKA 3:5

Gama' ru Tuhan mampaintutun poyo ramuyun ra togom ri Aki Kapuuno' am poyo ati kulaan i Kristus mangani' ramuyun ra guang mataan.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,

PINAINTALANG 1:2

am i Juanis mampaintutun ra ngaangai' ondo' nakito no. Gitio noyo pambalaan nano ra atan ondo' pinatanou ri Aki Kapuuno' am katapatan ondo' pinatalang ri Jisus Kristus.

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

PINAINTALANG 11:7

Pakapambala' ilo ra tanou no, bibiag masigo ondo' mingkual intor ra intok ru ulun namagatoi no tumula' risilo. Mangala am mamatoi io risilo.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.

PINAINTALANG 12:17

Tambuakal no siminangit kaga' ra ruandu' no, saboi ongoyo' no tulaa' papag ra bokon intor ra ruandu' no; ioginio ngaangai' ulun ondo' gumagaya' ra panusuban ri Aki Kapuuno' am ondo' mangani' ra kaintutunan intor ri Jisus.

PINAINTALANG 13:10

Osoi ayuk inaru' noyo rokopon, maaru' marakop. Osoi ayuk inaru' potoyon ra ilang, maaru' matoi ra ilang. Ginio sabap ra ulun ri Aki Kapuuno' musiti' tumaan ra kaimbalaan am gumagaya'.”

PINAINTALANG 14:12

Ginio boo sabap ra ulun ri Aki Kapuuno' ondo' gumagaya' ra panusuban Nano am niayuk gumagaya' ri Jisus, musiti' ilo tumaan ra kaimbalaan.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.

PINAINTALANG 6:9

Lungkabo' boo ru Anak Domba no segel kalimo am kakito ku mamaar ra altar no mokoondo' ambiluo ru ulun pinatoi. Ilo ti pinatoi sabap ra nampatanou ra bala' ri Aki Kapuuno' am sabap ra kaintutunan nilono.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.