PINAINTALANG 1:8 - Tanou Moonsoi Timugon

⁸ “Aku noyo talimpuun am Aku noyo pupus,” ragu ru Tuhan, i Aki Kapuuno' Ondo' Maayo Kaga' Kuasa', ondo' soroi raino, galing i am pupus no pana.

PINAINTALANG 1:8 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 43:14

Gama' ru i Aki Kapuuno' Ondo' Maayo Kaga' Kuasa' mambaal ra gabenor no makaasi' ramuyun, saboi parulion no i Binjamin am i Simion ramuyun. Aku ti, amon ru maluusan aku pana ra anak, inda' am atan piboo kulaan.”

KASAUKAN 48:3

Indagu i Jakub ri Jusup, “I Aki Kapuuno' Ondo' Maayo Kaga' Kuasa' minintalang raki' ra Lus giu' ra tana' ru Kanaan, am nambarakat noyo raki'.

KASAUKAN 49:25

I Aki Kapuuno' ri ama' mu noyo nangindangan rirun. Io Ondo' Maayo Kaga' Kuasa' ondo' nambarakat rirun ra rasam intor ra limbowon am timug intor ragana' ru tana', barakat ra masuang sapi' am masuang anak.

KAINGKUALAN 3:14

Indagu i Aki Kapuuno' ri Musa, “Aku noyo AKU. Gitio noyo ondo' musiti' muno paraguon risilo, ‘Io ondo' nanabit ra Io noyo AKU nanusub noyo raki' mongoi ramuyun.’

KAINGKUALAN 6:3

Minintalang Aku noyo ri Abragam, ri Isak am ri Jakub koson ra i Aki Kapuuno' Ondo' Maayo Kaga' Kuasa', kaa' kalo napaulig Aku risilo ra inggalan Kuno ondo' matulai, iono Tuhan.

JISAYA 41:4

Osoi kia nambaal ra baal koson raginio? Osoi kia nangaru' ra sejarah? Aku, Tuhan ondo' nakapagulu, am Aku soroi saboi ra pamupusan.

JISAYA 43:10

“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

JISAYA 48:12

Tuhan mindagu, “Rongogo' noyo, akau Israil, ulun ondo' piniau Kuno. Aku noyo i Aki Kapuuno', rondo'-rondo' ayuk i Aki Kapuuno', ondo' kasaa' am pamupusan!

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

UNTABAN 24:4

sangulun ondo' riminongog ra ragu ri Aki Kapuuno'. Nakito ku pinaintalang intor ri Aki Kapuuno' Ondo' Maayo Kaga' Kuasa', liliwa' naaba', kaa' ra nasingkarat mato.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 11:17

Konilo, “O Tuhan, i Aki Kapuuno' Maayo Kaga' Kuasa', ondo' raino am galing i pana soroi! Maringkuanang akai Rirun sabap ra nampaintalang Kono ra kuasa' maayo Muno, am tumalimpuun noyo mamarinta!

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 16:14

Sotopot no, ilo ti riwato ondo' mambaal ra kaimuagan. Katalu-talu riwato no mongoi panimung ra ngaangai' raja' ru tana' ti koson mangayou paat ra Orou maayo ri Aki Kapuuno' ondo' Maayo Kaga' Kuasa'.

PINAINTALANG 16:7

Korongog ku boo bolos intor ra panalaban ra kaminyan no mindagu, “O Tuhan, i Aki Kapuuno' Maayo Kaga' Kuasa'. Motopot am matimpok ukum pinataak Muno risilo!”

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 19:6

Korongog ku boo koson ra bolos ru ulun masuang; koson ra kinapuor ru bosoi maayo am koson ra timpalak mapuor. Norongog ku ilo minindagu ra, “Koompor noyo i Aki Kapuuno'. Sabap ra Tuhan takau i Aki Kapuuno' Maayo Kaga' Kuasa' no mamarinta.

PINAINTALANG 2:8

“Tulisi' koson ragitio ra malaikat ru pasimpungan ulun Kristian ra bandar Simirna: Gitio noyo bilin intor Riso ondo' talimpuun am pupus, ondo' minatoi am naayag saguli'.

PINAINTALANG 21:22

Kalo nakito ku Baloi Tuhan giu' ra bandar no, sabap ra Tuhan galama' soroi ra giu', i Aki Kapuuno' Maayo Kaga' Kuasa' am Anak Domba no.

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

PINAINTALANG 22:13

Aku noyo talimpuun am pupus; Aku noyo kasaa' am pangayaan.”

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”