PINAINTALANG 1:7 - Tanou Moonsoi Timugon

⁷ Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.

PINAINTALANG 1:7 ပူးပေါင်းရင်းမြစ်များ

AYUP 33:26

Iowon ri Aki Kapuuno' kitaakon nano paat ra io makiasi'; sambaan no i Aki Kapuuno' ra maansukan, am tapulion ri Aki Kapuuno' baal nano.

MAZMUR 22:16

Bambalangan kuno mapua' koson ra kaau, am rila' kuno siminokot ra kaar. Tatangon Mu aku ra rasawat ru kaau, koson ra ulun minatoi.

MAZMUR 68:1

Ra tingganai santimungan maririmbai. Mazmur ri Daut. Rimbai.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

DANIL 7:13

Ralalom ru pinaintalang raki' paat rondom raginio, nakito ku rondo' koson ra ulun. Minatong io linibungan ru gaun, am mininggaar Riso ondo' maayag ra mantilayun, am pinauma' Riso.

NAGUM 1:3

Tuhan kalo mataki' sumangit, kaa' Io makakuasa', am kalo igondo' Io nampalabus ra ulun ondo' nambaal ra kasalaan intor ra ukuman. Giu' ra intok ugaran ru Tuhan, sumalula' puting beliung am taupan; gaun iono kaau intor ra kalayam Nano.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

JAKARIA 12:11

Paat raginio mokoondo' manulaboi giu' ra Jirusalim koson ra manulaboi ri Gadad-Rimon giu' ra Limayak Migido.

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 24:30

Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MATIUS 26:64

Taam i Jisus, “Rinagu mu noyo. Balain takamin: Intor raino makakito kau ra Anak ru Ulun no manturung ra pamiris ri Aki Kapuuno' Ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon!”

MARKUS 13:26

Paat raginio, makito Anak ru Ulun matong ralalom ru gaun mabaya' ra kuasa' am katulayan Nano.

MARKUS 14:62

Taam i Jisus, “Iou, akau ngaangai' makakito ra Anak ru Ulun manturung ra pamiris ri Aki Kapuuno' ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon.”

LUKAS 21:27

Bagu no makito Anak ru Ulun matong ra gaun nabaya' ra kuasa' am katulayan maayo Nano.

JUANIS 19:34

Kaa' turaa' ru sangulun saujor tiagang Nano; am paat ragili niayuk antis boo raraa' am timug. (

JUANIS 19:37

Mokoondo' poyo tinulisan ra Buuk Kitab, “Ulun-ulun monontong Riso ondo' tinura' nilai.”

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

1 TISALONIKA 4:17

Itakau boo ondo' maayag ayuk poyo paat raginio kayangon maya' ra gaun mababaya' risilo, mongoi tuum ra Tuhan giu' ra limbowon. Itakau pana masimpung boo ra Tuhan ra sabuoi-buoi no

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 6:6

Amon ru nakaili' ilo ngaangai' raginio, bagu liminugut ilo intor ri Kristus, kalo boo lair makatalikur ilo saguli', sabap ragitio koson ayuk ra manalip ilo poyo saguli' ra Anak ri Aki Kapuuno' saboi asabin nilo Io ra saang ru ulun masuang.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

JUDAS 1:14

I Ginok, papag ri Adam ra katulu', ondo' ra galing i noyo nanala' raginio intor risilo, kono, “Ilai' noyo, makito Tuhan matong mabaya' ra kukula' ngaribu malaikat Nano.

PINAINTALANG 22:20

Io ondo' mampasaboi ra ngaangai' kaintutunan ti mindagu, “Motopot, kalo boo mabuoi am matong Aku.” Amin! Ratong no, Tuhan Jisus!

PINAINTALANG 22:4

Makakito ilo ra bulos Nano am inggalan Nano tulisin ra rabas nilono.

TINGGANAI RU BANSA' 5:31

Gama' ru ngaangai' pantula' Muno, iou Tuhan, matoi koson ri Sisira; kaa' gama' ru rangan Muno maantak koson ra mato ru orou giu' ra limbowon! Kopongo raginio mamimio pagun no buoi apat ngoopor ngambilor.