PINAINTALANG 1:18 - Tanou Moonsoi Timugon

¹⁸ Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

PINAINTALANG 1:18 ပူးပေါင်းရင်းမြစ်များ

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

AYUP 38:17

Igondo' kia osoi pana manulu' ra kulobon garabang kapatayan ramuyun, kulobon ondo' nanili ra intok kapatayan ondo' molondom kaga' no?

MAZMUR 18:46

Nairu' boo baani nilai; monontol ilo am miningkual intor ra batu silian.

MAZMUR 68:20

Omporo' i Aki Kapuuno', sabap ra Io noyo namayag ritakau; moonong orou Io mansaan ra kapaganan takau.

JISAYA 22:22

Kuasa' maayo taakin Ku riso ragana' ru raja' papag ri Daut. Kunsi' ru karajaan guuton no. Atan-atan ukabin nano, kolondo' osoi-osoi pana makataub; am atan-atan taubin nano, kolondo' osoi-osoi pana makaukab.

MATIUS 11:23

Am akau, ulun ru Kapirnaum! Guang min, painsawaton kau saboi ra suruga'? Patirin kau giu' ra naraka! Amon ru kaimuagan ondo' binaal ra tatanga' ramuyun i binaal ra giu' Sodom, maaru' Sodom i lakat ayuk poyo soroi ra raino ti!

MATIUS 16:19

Aniin Tokou ra kunsi' ru Tana' Bagu ri Aki Kapuuno'. Atan ondo' sawayon muno giti ra tana' ti, sawayon niayuk giu' ra suruga'. Atan ondo' iowon muno ra tana' ti, iowon niayuk ra suruga'.”

LUKAS 24:5

Sabap ra nangalaa' toojo kubu ruandu'-ruandu' ra tana'. Kaa' indagu boo ruo ngaulun i risilo, konilo, “Kua guat uyumo' min ulun ondo' maayag ra intok ru ulun minatoi?

JUANIS 11:25

Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

ROMA 6:9

Sabap ra napandayan takau ra binayag noyo i Kristus intor ra kapatayan am kalo boo matoi Io. Kapatayan no kalo boo manguasa' Riso.

2 KORINTUS 13:4

Kabalu' pana malawo Io paat ra Io sinalip, kaa' raino naayag Io po sabap ra kuasa' ri Aki Kapuuno'. Ralalom pasimpungan mai Riso pana makaliman akai ra malawo, kaa' paat ra akai makauma' ramuyun, akai pana maayag sabap ra kuasa' ri Aki Kapuuno', mogondo' ri Kristus.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

KOLOSI 3:3

Sabap ra akau ti karaan koson ayuk ra minatoi noyo am kaayagan bagu min sumimpung ri Aki Kapuuno' mabaya' ri Kristus, kalo makito ru ulun.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 7:16

Nasaukan no ra sangulun imam, sala' ka sumugut ra kaulayan ru ulun kaa' sumugut ra kaayagan nano ondo' makakuasa' am mantilayun.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

PINAINTALANG 10:6

Pagibot io ralalom inggalan ri Aki Kapuuno' ondo' maayag ra mantilayun, am ondo' nampasauk ra suruga', tana' ti, raat no am ngaangai' suang nilono. Kon ru malaikat no, “Orou ra inaanin i kalo noyo painjulon.

PINAINTALANG 15:7

Rondo' boo intor ra apat baal ru ilo ondo' maayag no nangani' ra tulu' malaikat no ra tulu' sangkir mas ondo' nototop ra sangit am ukum ri Aki Kapuuno' ondo' maayag ra matilayun.

PINAINTALANG 2:8

“Tulisi' koson ragitio ra malaikat ru pasimpungan ulun Kristian ra bandar Simirna: Gitio noyo bilin intor Riso ondo' talimpuun am pupus, ondo' minatoi am naayag saguli'.

PINAINTALANG 20:13

Ulun minatoi giu' ra raat, intor ra Patayan kapoam giu' ra Nabalu; ngaangai' inukuman maya' ra binaal nilono.

PINAINTALANG 20:14

Patayan am Nabalu pinatiran ra tasik ru apui. (Tasik ru apui ti ioginio kapatayan ra kainduo.)

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.

PINAINTALANG 4:9

Kaapat-apat ilo ondo' maayag ti marimbai ra mangurumat, mongompor am maringkuanang Riso ondo' manturung ra takhta no am ondo' maayag ra mantilayun. Am paat kaapat-apat nilo marimbai,

PINAINTALANG 5:14

Kaapat-apat ilo ondo' maayag no timinaam, “Amin!” Tingganai-tingganai no igulatur am niayuk siminamba.

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.

PINAINTALANG 9:1

Malaikat kalimo no boo nanamput ra bujung. Kakito ku boo rondo' butitin ondo' riminatu' ra tana' i am butitin no inanian ra kunsi' ru intok ru ulun namagatoi.

1 SAMUIL 2:6

Tuhan no mamatoi ra ulun, am Io niayuk mamayag risilo. Io mangator ra ulun mongoi ra intok ru ulun namagatoi, am Io niayuk magibit risilo saguli'.