PINAINTALANG 1:16 - Tanou Moonsoi Timugon

¹⁶ Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

PINAINTALANG 1:16 ပူးပေါင်းရင်းမြစ်များ

AYUP 38:7

paat ra butitin-butitin ru susuab ti mababaya' marimbai, am ilo ondo' maayag giu' ra suruga' magilakup maansukan?

MAZMUR 45:3

Okou noyo ulun maindon kaga' ra gino ngai' ru ulun, ragu-ragu muno napanu' ra kaansayan, ginio sabap ra okou binarakat ri Aki Kapuuno' ra sabuoi-buoi no.

RIMBAI PANGAMPARAN 6:10

Osoi kia minatong no koson ra mato ru orou sumirang? Kinoonsoi nano koson ra bulan salawang, matawang koson ra sinda ru mato ru orou.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

JISAYA 49:2

Ragu-ragu kuno sinauk No malarom koson ra ilang, am ra kalindu' Nano galama' nanindung Io aku. Sinauk No aku koson ra anak ru panah inasa', am pinauli No ra kobon koson tumampos pakayon.

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

DANIL 8:10

Sangau no nasauk ra maikang kaga' saboi nakabulunsar ra saujor-saujor ru suruga'. Kukula' ra gino ngai' saujor-saujor ru suruga' am bibiag-bibiag rinatuan no ra tana' ti, am kikinjangi' no.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

RINALATAN 26:13

Raja' Agripa, paat ra aku nangkiralan ra io tanga' ru orou ragili, mokoondo' pulusat silau intor ra limbowon ondo' mapaang kaga' intor ra mato ru orou. Silau i liminiput raki' am niayuk rangan-rangan kuli.

IPISUS 6:17

Apuo' min noyo pamayagan ti koson ra tupi' basi' am niayuk bala' ri Aki Kapuuno' koson ra ilang ondo' pinongo kalalair ru Ambiluo ri Aki Kapuuno'.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

PINAINTALANG 1:20

Gitio noyo arati' ru tulu' butitin ondo' makito muno ra kalindu' pamiris Kutu, am intor ra tulu' tampakan ra lampung binaal intor ra mas no: Tulu' butitin raginio iono malaikat ru tulu' pasimpungan ulun Kristian no, am tulu' tampakan ra lampung no ioginio tulu' pasimpungan ulun Kristian.”

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.

PINAINTALANG 12:1

Giu' boo ra limbowon no makito ra rondo' tatandu' makaimuag. Sangulun ruandu' nambayang ra mato ru orou am koson kimininjang io ra bulan. Nanasampak io ra karaun ondo' binaal ra mopor am ruo butitin.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 19:21

Saujor nilono napatoi ra ilang ondo' miningkual intor ra kabang ru nangura' ra kuda mapulak no. Ngaangai' kanui pana minatong boo am nangakan ra baangkai ru namagatoi suku' naasug.

PINAINTALANG 2:1

“Tulisi' koson ragitio ra malaikat ru pasimpungan ulun Kristian ra bandar Ipisus: Gitio noyo bilin intor Riso ondo' mampaguut ra tulu' butitin ra kalindu' pamiris Nano, ondo' mugar ra tatanga' ru tulu' tampakan ra lampung mas.

PINAINTALANG 2:12

“Tulisi' koson ragitio ra malaikat ru pasimpungan ulun Kristian ra bandar Pirgamum: “Gitio noyo bilin intor Riso ondo' makailang ruo larom.

PINAINTALANG 2:16

Sabap raginio, talikur kano intor ra tula mino! Amon ru kalo tumalikur kau, matong Aku ramuyun ra mataki' am tumula' ra ulun-ulun ra ilang ondo' mingkual ra kabang Kuno.

PINAINTALANG 3:1

“Tulisi' koson ragitio ra malaikat ru pasimpungan ulun Kristian ra bandar Sardis: “Gitio noyo bilin intor Riso ondo' mokoondo' tulu' Ambiluo intor ri Aki Kapuuno' am mampaguut ra tulu' butitin no. Makapandai Aku atan baalon mino. Akau ti maayag rokoon kaa' sotopot no minatoi kau!

TINGGANAI RU BANSA' 3:16

Nambaal i Igud ra rondo' ilang ondo' ruo larom, ondo' gawar no maar limo ngoopor ngasintimito. Inabil no ilang no ra awak nano tampilon ra pamiris, pinaralalom ra bayang nano.

TINGGANAI RU BANSA' 5:31

Gama' ru ngaangai' pantula' Muno, iou Tuhan, matoi koson ri Sisira; kaa' gama' ru rangan Muno maantak koson ra mato ru orou giu' ra limbowon! Kopongo raginio mamimio pagun no buoi apat ngoopor ngambilor.