PINAINTALANG 1:15 - Tanou Moonsoi Timugon

¹⁵ Kalayam Nano makabinusasal koson ra gangsa' manguliat ra Io luuon am bolos Nano koson ra kinapuor ru bosoi maayo.

PINAINTALANG 1:15 ပူးပေါင်းရင်းမြစ်များ

YEHEZKIEL 43:2

Giu' no nakakito aku ra sinda manguliat minatong intor ra sirangon, ondo' tatandu' ratangan ri Aki Kapuuno' ru Israil. Bolos ri Aki Kapuuno' matangil koson ra ngoos ru kinulun ru raat, am tana' ti matawang sabap ra sinda ru ratangan ri Aki Kapuuno'.

DANIL 10:6

Inan nano kukuliat koson ra intan; bulos nano mapaang koson ra paang ru ganit, am mato nano bibilak koson ra apui. Kalindu' am kalayam nano manguliat koson ra tambaga' ondo' bagu inisasan, am bolos nano koson ra ngonsol ru ulun masuang.

PINAINTALANG 14:2

Giu' boo ra limbowon korongog ku bolos koson ra kinapuor ru bosoi maayo am koson ra timpalak mapuor. Bolos nano morongog koson ra bolos ru jitor paat ra kulion.

PINAINTALANG 19:6

Korongog ku boo koson ra bolos ru ulun masuang; koson ra kinapuor ru bosoi maayo am koson ra timpalak mapuor. Norongog ku ilo minindagu ra, “Koompor noyo i Aki Kapuuno'. Sabap ra Tuhan takau i Aki Kapuuno' Maayo Kaga' Kuasa' no mamarinta.

PINAINTALANG 2:18

“Tulisi' koson ragitio ra malaikat ru pasimpungan ulun Kristian ra bandar Tiatira: “Gitio noyo bilin intor ra Anak ri Aki Kapuuno', ondo' mato Nano mapaang koson ra apui am kalayam Nano makabinusasal koson ra gangsa' ondo' manguliat.

MAZMUR 93:4

Kaa' Tuhan noyo maayo kaga' kuasa' ra suruga', matulai poyo ka kinulun ru raat, am maikang poyo ka kinulun ru raat.

YEHEZKIEL 1:7

Kalayam ru ondo' maayag no mabanis, mokoondo' ra jajampang koson ra jajampang anak ru sapi' am manguliat koson ra gangsa' ondo' inisasan.

YEHEZKIEL 40:3

Nagibit Io raki' ra giu' no am makito ku sangulun ungkuyon ondo' makasinda koson ra gangsa', minigor ra kulobon garabang. Ulun no tatanga' mampaguut ra kalat panuku' intor ra linon am niayuk rondo' tataun panuku'.

JISAYA 17:13

Bansa'-bansa' jumalai koson ra kinulun maayo, kaa' i Aki Kapuuno' nongompong risilo, am nagiru' ilo mininggalur. Inanjung ilo koson ra apol giu' ra pipilon ru bulur ondo' masiob ru angin, am koson ra kaau ondo' masiob ru bagiu'.

YEHEZKIEL 1:24

Paat ra ilo ondo' maayag no mansiab, morongog ku bolos ru kawo mangulutub. Bolos no koson ra bolos ru bosoi, koson ra kurapak ru tumpang ru pulalai ru saujor ondo' maayo, am koson ra bolos ri Aki Kapuuno' Ondo' Maayo Kaga' Kuasa'. Ilo ondo' maayag no nangukum ra kawo paat muog mansiab,

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.