PILIPI 4:20 - Tanou Moonsoi Timugon

²⁰ Koompor noyo i Aki Kapuuno', Ama' takau suku' ra sabuoi-buoi no! Amin.

PILIPI 4:20 ပူးပေါင်းရင်းမြစ်များ

MAZMUR 115:1

Sala' ka akai, iou Tuhan, sala' ka akai, kaa' Okou ayuk maaya' katulayon am omporon, sabap ra Okou mampagagaya' toojo am monogom ramon.

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

ROMA 11:36

Ngaangai' ondo' soroi inangun ri Aki Kapuuno'. Mampakaayag Io ra ngaangai' am ngaangai' no mangandoi Riso. Koompor noyo i Aki Kapuuno' ra sabuoi-buoi no! Amin.

ROMA 16:27

I Aki Kapuuno' noyo rorondo' ayuk am Io no intaran ru ngaangai' kapandayan. Omporo' Io no ra mantilayun mansail ri Jisus Kristus. Amin.

IPISUS 3:21

Koompor noyo Io ra pasimpungan ulun Kristian ralalom inggalan ri Kristus Jisus, suku' ra ati ayuk papag ra sabuoi-buoi no. Amin!

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

PILIPI 4:23

Gama' ru Tuhan Jisus Kristus mambarakat ramuyun ngaangai'.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

JUDAS 1:25

Io no i Aki Kapuuno' ondo' namayag ritakau, ralalom inggalan ri Jisus Kristus, Tuhan takau. Io no rorondo' ayuk i Aki Kapuuno', Io no matulai, maatang kaga' am Io no mangnguasa' ra ngaangai' no, intor ra puun i, paat ra raino am suku' ra sabuoi-buoi no. Amin.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 14:7

Minindagu io ra bolos mosongou, “Urumato' i Aki Kapuuno' am omporo' min kuasa' Nano. Sabap ra nasuku' noyo orou pangakiman ri Aki Kapuuno' ra ulun. Sambaa' noyo Io ondo' nampasauk ra limbowon, tana', raat am ngaangai' taur ru timug!”

PINAINTALANG 5:12

Narimbai ilo ra bolos mosongou: “Anak Domba ondo' pinatoi ragili maaya' noyo mangapu ra kuasa', kalangkayaan, kapintaran, ikang, urumat am ompor!”

PINAINTALANG 7:12

konilo, “Amin! Koompor noyo kapintaran, paringkuanangan, urumat, kuasa' am ikang Muno, i Aki Kapuuno' takau ra sabuoi-buoi no! Amin!”