PILIPI 4:19 - Tanou Moonsoi Timugon

¹⁹ Kalangkayaan ri Aki Kapuuno' ondo' sambaan kuno kalo mauntob, ginio ra ralalom ri Jisus Kristus noyo Io mangukop ra atan ayuk kolondo' ramuyun sumugut ra katulayan Nano.

PILIPI 4:19 ပူးပေါင်းရင်းမြစ်များ

KASAUKAN 48:15

Barakato' no i Jusup, kono, “Gama' ru i Aki Kapuuno' ondo' sambaan ru kinamatuaan kuli i Abragam am i Isak, mambarakat ra anak-anak ti. Gama' ru i Aki Kapuuno' ondo' nagalung raki' saboi orou raiti', mambarakat risilo.

2 SAMUIL 22:7

Ralalom ru kapaganan mampiau aku ra Tuhan; mampiau aku ri Aki Kapuuno' kuno ra makiindangan. Ralalom ru Baloi Nano mangkirongog Io ra bolos kuno; mampalio Io ra piau kuno.

2 TUNUNG RU BANSA' ISRAIL 18:13

Kaa' taam i Mika, “Ralalom inggalan ru Tuhan ondo' naayag, mambantu' aku ra mindagu aku ayuk ra atan ondo' rinagu ri Aki Kapuuno' raki'!”

2 TUNUNG RU BANSA' ISRAIL 31:8

Paat ra Raja' Gijkia am pagawai-pagawai nakakito ra mapara' boo suang ru taak ondo' tinaakan no, nongompor ilo ra Tuhan am nongompor ra ulun Nano, ulun ru Israil.

NIGIMIA 5:19

Makitaak aku Rirun, iou Aki Kapuuno', karaa' noyo ngaangai' ondo' binaal moonsoi kuno ra bansa' ragitio, am barakato' aku no.

NIGIMIA 9:15

“Paat ra ilo maitilan, ruti' intor ra limbowon pinaratu' Muno, paat ra ilo paason, timug intor ra batu pinaingkual Mu. Nanusub Kou risilo manguasa' ra tana' ondo' binantu' Mu noyo risilo.

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

MAZMUR 130:7

Akau Israil, lansan kano ra Tuhan, sabap Io maaru' monogom am masalok tumampos mamayag ramuyun.

MAZMUR 36:8

Iou Aki Kapuuno', mapara' piboo kinologo ru togom Muno, ulun sumindung ra saau ru kawo Muno.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

DANIL 6:22

Taam i Danil, “Kaayag kono raja' ra sabuoi-buoi no!

MIKA 7:7

Kaa' maginaa aku ra Tuhan; malansan aku ri Aki Kapuuno' ondo' mamayag raki'. Mangkirongog i Aki Kapuuno' kuno ra pakiasian kuno.

MALIAKI 3:10

Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.

MATIUS 6:32

Baal koson raginio noyo masalok karaan ru ulun ondo' kalo makatutun ri Aki Kapuuno'. I Ama' mino giu' ra suruga' nakapandai ra kitaakon mino ra ngaangai' raginio.

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

JUANIS 20:27

Indagu Io boo ri Tomas, “Ilai' noyo kalindu' Kutu am kamaa'! Pakamaa' poyo kalindu' muno ra tiagang Kutu. Sala' ka pagantangan, kaa' pangintopot ayuk!”

ROMA 1:8

Pagulu ti, ralalom inggalan ri Jisus Kristus, maringkuanang aku ri Aki Kapuuno' sabap ra pangintapatan min ri Jisus Kristus raino mapandayan noyo ru ulun ra titikop ru tana' ti.

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

ROMA 8:18

Intor raginio mangintopot aku ra ngaangai' kaimbalaan ondo' malimanan takau raino kalo sama' pogondoon ra katulayan ondo' paintalangon ri Aki Kapuuno' ritakau ra maagu no.

ROMA 9:23

Masaga' Io niayuk mampakito ritakau ra kaluaban ru kaansayan Nano. Ginio tinaakan Nano ritakau ondo' asiin Nano, ioginio itakau ondo' pinongo Nano makaapu ra kaansayan Nano.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

IPISUS 2:7

Koson raginio noyo mampakito Io ritakau ra ati kulaan gayo ru asi' Nano ondo' mantilayun, ioginio kinoonsoi ru guang Nano ritakau ralalom ri Kristus Jisus.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

PILIPI 4:7

Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

PILIMON 1:4

Masalok ra aku makiasi' am mangkara' rirun, maringkuanang aku ri Aki Kapuuno'.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.