PILIPI 4:17 - Tanou Moonsoi Timugon

¹⁷ Sotopot no pai' ru mompogogot aku ra taak mino raginio, kaa' ondo' ayuk gogoton ku ioginio ampos ru kasingkatan mino.

PILIPI 4:17 ပူးပေါင်းရင်းမြစ်များ

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

MIKA 7:1

Kolondo' boo kalansanan! Koson aku ra ulun maitilan ondo' kalo nakatuum ra kawa' ra puun kapoam kawa' ru anggur ra puun nano. Ngaangai' kawa' ru anggur am kawa' ru puun ara ondo' maamis inupu' noyo koyoo'.

MALIAKI 1:10

Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

JUANIS 15:8

I Ama' katulayon ra akau manangkawa' ra maawas; gitio noyo ra akau mauligan ra maamaya' Kuno.

ROMA 15:28

Mopongo ku kandoi ragitio, io no makataak ku ruit no risilo ra Jirusalim, mapit aku tumuum ramuyun ra pangkiralanan kuno mongoi ra Sipanyol.

2 KORINTUS 11:16

Sagulio' ku poyo: pai' pangkara' ra aku ti sasambungon. Kaa' amon ru ginio poyo pangkaraan min, polosoo' noyo aku ondo' sasambungon ti lumimbau koborok.

2 KORINTUS 9:5

Ginio nai ra aku nampaguang ra moonsoi poongoyon ku talu ngaulun i ramuyun magulu intor raki', maa' raginio makatampos kau ra ruit paindanganon ondo' binantu' min i. Kon boo raginio nakatampos noyo ruit paindanganon mino ra aku makasuku'. Ginio koson mampakito ra mangani' kau maya' ra kinataau ru guang min, am sala' ka najajalan kau.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

PILIPI 4:11

Pai' ru rinagu ku gitio sabap ra nailusan aku: sabap ra naubas aku no ra atan ayuk.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

1 TIMOTIUS 6:10

Sabap ra maringkumaa' ra kalangkayaan ti noyo puun ru mansalinut kalaatan. Mokoondo' ulun naingkinibitan ru ginio saboi nakalayau intor ra pangintapatan takau am pupus no migimbolo' ilo ra mansalinut kapaganan.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

TITUS 3:14

Ulun takau musiti' migigila' ati kulaan mambaal ra moonsoi. Ginio makapangindangan toojo ra ulun ondo' kolondo' kaukapan am mambaal ra kaayagan nilo pana makaampos.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.