PILIPI 3:19 - Tanou Moonsoi Timugon

¹⁹ Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

PILIPI 3:19 ပူးပေါင်းရင်းမြစ်များ

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

MAZMUR 52:1

Ra tingganai ru santimungan maririmbai. Sisindiron ri Daut,

JIRIMIA 44:17

Mambaal akai ra ngaangai' baal ondo' raguon mai. Mampataak akai ra taak simbalui ra dewi mai, Raja' Ruandu' ru Suruga'. Mampataak akai ra wain riso, koson ramon, kinamatuaan maili, raja' mai, am tingganai-tingganai mai maindalom mambaal raginio giu' ra bandar-bandar Jiuda am giu' ra ralan-ralan ru Jirusalim. Paat raginio mokoondo' akai ra masuang akanon; langkaya' akai am kalo mapagon.

YEHEZKIEL 13:19

Magasab kau Raki' ra saang ru ulun Kuno koson makaalap ra sogonggom barli am kukula' ruti'. Ulun ondo' kalo musiti' matoi, potoyon min am ulun ondo' kalo musiti' maayag, polosoon min maayag. Akau pana nagabau ra ulun Kuno am mangintopot ilo ramuyun.’ ”

YEHEZKIEL 34:3

Inumon min gatas ru domba, mambayang ra bulu domba, manimbalui am mangakan ra domba ondo' moonsoi kaga', kaa' kalo igondo' kau pagalung ra domba-domba no.

GOSIA 4:7

Akau lumanja' masuang, lumanja' masuang tula min Raki', imam-imam kau. Kulawon Ku boo baal mino. Kalo boo urumaton kau, kaa' asabin.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

MALIAKI 1:12

Kaa' akau nagasab Raki' sabap ra minindagu ra altar Kuno kolondo' onong, am nampataak kau ra akanon ondo' kararain min giu' ra rasawat ru altar no.

MATIUS 16:23

Pangkaili i Jisus am indagu Io boo ri Pitrus, “Pagiru' intor Raki', okou Tingganai ru riwato! Okou mongompong ra ralan Kuno. Pamaguangan muno pamaguangan ru ulun, sala' ka pamaguangan ri Aki Kapuuno'!”

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

LUKAS 16:19

“Mokoondo' sangulun langkaya', bayang nano mongologo am maayag io ralalom kalangkayaan ra moonong orou.

LUKAS 18:4

Nabuoi noyo akim no marara' mangindangan riso, kaa' pupus nali nakapangkara' boo guang nali, ‘Kabalu' pana kalo malaa' aku ri Aki Kapuuno' am kalo mangurumat ra ulun bokon,

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

1 KORINTUS 5:2

Kabalu' pana koson raginio, lakat kau ayuk poyo masumbung. Sotopot no akau musiti' mangiluk guang, am ulun ondo' mansawa' no, pasuayo' min intor ra pasimpungan mino.

1 KORINTUS 5:6

Kalo moonsoi kau masumbung koson raginio. Nakapandai kano lair ragu ragitio, “Ragi ra sanganu ayuk mampagayo ra ngaangai' ru ruti', ioginio tapung linatakan ra timug am umau.”

2 KORINTUS 11:12

Atan ondo' baalon kuno raino, ginio ayuk rayuson kuno, maa' raginio “rasul” ra bokon no kolondo' boo sasaban lumimbau am mindagu rokoon ra mangandoi ilo koson ramon.

2 KORINTUS 11:15

Ginio nai ra kalo niayuk makaimuag amon ru ulipon-ulipon ru Tingganai ru riwato no sumalu ra ulipon ru katapatan. Pupus no balasin ilo maya' ra ondo' binaal nilai no.

GALATIA 6:13

Kaa' ulun ondo' manginsugut ra kaulayan ru sunat no pana kalo magagaya' nilo ngaangai' Ukum ri Musa. Kabalu' pana raginio, masaga' ilo niayuk sunatin kau, maa' raginio lumimbau ilo ra ginagaya' min kaulayan raginio.

PILIPI 2:21

Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.

KOLOSI 3:2

Moonsoi ru guango' min noyo kaatangan raginio, sala' ka kaatangan ru tana' ti.

2 TISALONIKA 1:9

Ukumin ilo ra kapatayan mantilayun, pasuayon ilo intor ra Tuhan am intor ra kuasa' matulai Nano.

2 TISALONIKA 2:12

Maa' raginio, ngaangai' ondo' kalo mangintopot ra katapatan intor ri Aki Kapuuno', kaa' maansayan ayuk ra kalaatan, ukumin ilo.

2 TISALONIKA 2:8

bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

2 TIMOTIUS 3:4

Ilo mapandai mamparuung, jajajou am masumbung ayuk. Ilo maansayan ayuk ra katasuan ru kaayagan nilo galama', intor monogom ri Aki Kapuuno'.

JAKUBUS 4:16

Kaa' raino minsawat boo guang min am lumimbau kau ayuk. Ngaangai' ragu lumimbau ti kalo noyo moonsoi.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

2 PITRUS 2:13

Sabap ra nangimbolo' ilo ra ulun bokon, ginio ra imboloon ilo. Makapaliso ilo ra majanjayan, saboi paat ra matawang pana masaga' ilo ayuk mambaal ra atan ayuk laai ru guang nilai galama'. Makatataman am makauyuyu' ilo paat ra rumamai ra jajajou. Ondo' kaansayan nilai ti sotopot no, masaga' ayuk mamparuung ramuyun.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

JUDAS 1:10

Kaa' ulun koson raginio magasab ra ngaangai' ondo' kalo napandayan nilono. Ilo ti koson ayuk ra bibiag masigo ondo' maya' ayuk ra kinibit ru pamalimanan nilai no. Paliso ragitio noyo mangkinibit risilo ra kapusaan.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.

1 SAMUIL 2:29

Kaa' kua kia lakat kou poyo mangangkum ra taak am taak simbalui ondo' pinataak ru ulun Kuno Raki'? Mapataak ilo ra ngaangai' no Raki' sumugut ra susuban Kuli risilo. Okou Ili, kua kia okou mangurumat poyo ra anak-anak muno intor ra mangurumat Raki', am nompoloso risilo liminomok ra tayar moonsoi kaga' intor ra moonong taak simbalui ondo' pinataak ru ulun Kuno Raki'?