PILIPI 2:29 - Tanou Moonsoi Timugon

²⁹ Apuo' min noyo io mabaya' ra kaansayan koson sangulun pabukat min ra Kristian am urumato' noyo ngaangai' ulun mogondo' riso ti.

PILIPI 2:29 ပူးပေါင်းရင်းမြစ်များ

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

LUKAS 9:5

Ati ayuk intok kalo mangapu ramuyun, iruani' min am kabuli' min kaau ru kasut mino koson mampakara' toojo risilo.”

JUANIS 13:20

Balain takamin toojo: Osoi ayuk mangapu ra ulun sinusub Kuno, Aku pana apuon no. Am osoi ayuk mangapu Raki', apuon no niayuk Io ondo' nanusub Raki'.”

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 28:10

Nangani' ilo ra masuang tangguang ramon. Paat ra akai masaga' masundoi, ibiti' nilo akai ra kapal ra atan ayuk kuliamos ru pangkiralanan mai.

RINALATAN 8:8

Ginio ra nakaansuk tojojo ulun ru bandar Samaria i.

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”

ROMA 16:2

Apuo' min io koson ra pabukat Kristian, ioginio kaindalaman ru ulun ri Aki Kapuuno' mangapu ra rondo' am bokon. Atan ayuk pakiindanganan nano indangano' min noyo, sabap ra io galama' nakapangindangan noyo masuang ulun am aku niayuk.

1 KORINTUS 16:10

Amon ru mongoi i Timotius ramuyun, umaa' min io ra moonsoi, maa' raginio maansayan io mayan ramuyun, sabap ra io pana koson niayuk raki', ra mangandoi io ra Tuhan.

1 KORINTUS 16:18

Napakaansuk ilo raki', koson niayuk ilo napakaansuk ramuyun. Ulun koson ragitilo, tutuno' min toojo ilo.

2 KORINTUS 10:18

Sabap ra pai' ru ulun ondo' lumimbau no iowon ru Tuhan, kaa' ulun ondo' omporon ru Tuhan no.

2 KORINTUS 7:2

Ukabo' noyo guang min ramon. Kalo igondo' akai pakasala ra osoi ayuk pana, kapoam nampalayau ra sangulun pana, am kolondo' sangulun kon rinuung mai.

PILIPI 2:28

Ginio ra maayo guang kuno manusub riso sumaguli' ramuyun ra mataki', maa' boo raginio maansukan kau poyo muma' riso am guang kuno pana matasu' boo saguli'.

KOLOSI 4:10

I Aristarkus ondo' inaput nabaya' raki' ti mampasaboi ra bilin kaansayan ramuyun. Am niayuk ri Markus, pantukir ri Barnabas. (Nambilin aku no ra amon ru mongoi i Markus ramuyun, apuo' min io.)

1 TISALONIKA 5:12

Pabukat ku ngai', makitaak akai ra urumaton min noyo ilo ondo' mirot mangandoi koson ra kaatangan min, sabap ra pinili' ilo no ru Tuhan koson maningganai am magalung ramuyun.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

3 JUANIS 1:10

Kaa' amon ru makaratong aku, balain takamin ra binaal nali. Magabau am mansunur io ramon! Kaa' kalo poyo nasamaan io raginio. Paat ra pabukat-pabukat Kristian no minatong, kalo inapu no ilo. Ininggalaran no poyo ulun ondo' masaga' mangapu ra pabukat Kristian, am nanusub io risilo mingkual intor ra pasimpungan ulun Kristian no.