PILIPI 2:28 - Tanou Moonsoi Timugon

²⁸ Ginio ra maayo guang kuno manusub riso sumaguli' ramuyun ra mataki', maa' boo raginio maansukan kau poyo muma' riso am guang kuno pana matasu' boo saguli'.

PILIPI 2:28 ပူးပေါင်းရင်းမြစ်များ

KASAUKAN 48:11

Indagu boo i Jakub ri Jusup, “Indos ku ru kalo boo makapantuum to, kaa' raino pinailong aku ri Aki Kapuuno' ra anak-anak muti niayuk.”

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

RINALATAN 20:38

Mangiluk guang nilo ra i Paulus ti nambala' risilo ra kalo boo makapantuum ilo. Atari' nilo boo io ra kapal.

2 KORINTUS 2:3

Ginio nai ra tinulisan ku ramuyun koson raginio, sabap ra marara' aku mongoi ramuyun am pangilukon guang kutu ru ulun ondo' sotopot no mapakaansuk raki'. Sabap ra mangintopot aku toojo ra ondo' kaansukan kuno am kaansukan min niayuk.

PILIPI 2:29

Apuo' min noyo io mabaya' ra kaansayan koson sangulun pabukat min ra Kristian am urumato' noyo ngaangai' ulun mogondo' riso ti.

2 TIMOTIUS 1:4

Makakara' aku ayuk ra kalumpusan ru guang muli am ginio boo ra aku masaga' toojo mongoi tuum rirun, maa' raginio maansukan aku toojo.