PILIPI 2:21 - Tanou Moonsoi Timugon

²¹ Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.

PILIPI 2:21 ပူးပေါင်းရင်းမြစ်များ

2 RAJA'-RAJA' 12:6

Kaa' saboi ra bilor karuo ngoopor am talu ru pamarintaan ru Raja' Joas, imam-imam no lakat poyo kalo namuna' ra nangalunsai giu' ra Baloi ru Tuhan.

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

MALIAKI 1:10

Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

LUKAS 14:26

“Osoi ayuk matong Raki' no, kalo masauk ra maamaya' Kuno amon ru kalo motogom io toojo Raki' intor ra togom no ra ina' nano, ama' nano, andu' nano, anak-anak nano, pinongkotob no ra ungkuyon am ruandu' am kaayagan nano galama' pana.

RINALATAN 13:13

I Paulus am rangan-rangan nano siminakoi ra kapal ra Papos mongoi ra Pirga, giu' ra libung ru Pampilia. Kaa' tatango' ilo boo ri Juanis Markus ra giu' i am saguli' io boo ra Jirusalim.

RINALATAN 15:38

kaa' kalo iniou io ri Paulus, sabap ra nangiruan i Markus risilo ragili giu' ra Pampilia, am kalo kinai' no kandoi nilai.

1 KORINTUS 10:24

Pai' sangulun pana maguyum ra kaatangan ru kaayagan nano galama' ayuk, kaa' karaa' niayuk kaatangan ru ulun ra bokon.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

1 KORINTUS 13:5

Kalo makuliga' io, kalo maguyum ra kaatangan galama', kalo mataki' angitan am kalo malikokot io ra ulun.

2 KORINTUS 1:5

Masuang kaimbalaan nailian mai sabap ra maya' akai ri Kristus, kaa' masuang poyo kaindangan naapu mai sabap Riso.

PILIPI 2:4

Am pai' kano paguyum ra kasingkatan ayuk galama', kaa' kasingkatan niayuk ru ulun ra bokon.

2 TIMOTIUS 1:15

Nakaintutun kou noyo ra ngaangai' ulun ru pagun Asia nangiruan raki', am nakaaya' niayuk i Pigilus am i Irmoginis.

2 TIMOTIUS 3:2

Mokoondo' masuang ulun mangkara' ayuk boo ra kasingkatan nilo galama', maringkumaa' ra kalangkayaan, masumbung am lumimbau. Magasab ilo ra ulun, manggal ra matuo nilai, kolondo' paliso nilo ra paringkuanangan am kalo mangurumat ra ugama.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

2 TIMOTIUS 4:16

Paat ra aku binisara' ra kasaa' i, kolondo' sangulun kon pana nangindangan raki'. Ngaangai' boo nangiruan raki'. Gama' ru i Aki Kapuuno' kalo noyo mampakasala risilo ra baal ragitio.