PILIPI 2:17 - Tanou Moonsoi Timugon

¹⁷ Kaa' amon ru potoyon aku pana, am raraa' kuno masauk koson ra taak ri Aki Kapuuno', mabaya' ra pangintapatan min, maansayan aku ayuk am maansukan mababaya' ramuyun ngai'.

PILIPI 2:17 ပူးပေါင်းရင်းမြစ်များ

UNTABAN 28:6

Gitio noyo taak simbalui moonong orou ondo' solobon ngaangai' no, ondo' kasaa' pinataak giu' ra Gunung Sinai, tayar ru taak akanon; owou no mapabansuk ra guang ru Tuhan.

UNTABAN 28:7

Pabayaan ra anak domba no musiti' pataakon niayuk salito wain koson taak simbalui pasasaron, ondo' pasasaron ra rasawat ru altar.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 21:13

Kaa' taam i Paulus, “Kua kia tangii' min aku koson ragitio saboi mangiluk boo toojo guang kutu? Nakatampos aku no ra bangkilon kia kapoam matoi pana giu' ra Jirusalim, sabap ri Tuhan Jisus.”

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

2 KORINTUS 12:15

Maayo guang kuno mangani' ramuyun ra atan ayuk mokoondo' raki', suku' ra kaayagan kuno pana, maa' raginio makapangindangan aku ramuyun. Amon ru ginio noyo gayo ru kinotogom kuno ramuyun, kua pai' tagami' min aku toojo?

2 KORINTUS 4:12

Arati' ragitio, sabap ra akai masalok makauma' ra baal makapatoi, akau makaapu ra kaayagan intor ri Aki Kapuuno'.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

PILIPI 2:18

Am mogondo' niayuk ramuyun ra moonsoi maansayan am maansukan kau mabaya' raki'.

PILIPI 2:30

Sabap ra kandoi nano ri Kristus nampataak io ra painawo nali am mamaar io matoi, koson mangindangan io raki' ondo' akau galama' kalo makakaluagan mambaal.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

1 TISALONIKA 2:8

Sabap ra kinotogom mai ramuyun, nakatampos akai no sala' ka mampasaboi ra Tanou Moonsoi intor ri Aki Kapuuno' no ayuk, kaa' suku' mampataak ra painawo maiti pana ramuyun. Sabap ra maayo toojo togom maiti ramuyun!

2 TIMOTIUS 4:6

Kaa' koson raki' ti, maar noyo aku simbaluyon pataakin ri Aki Kapuuno'. Kalo boo mabuoi aku mangiruan ra tana' ti.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 JUANIS 3:16

Atan togom no? Koson ragitio itakau makaulig ra togom ri Aki Kapuuno' no, ra i Jisus Kristus nampataak ra painawo Nano ritakau. Itakau pana musiti' manaak ra painawo takau ra pabukat-pabukat takau no.