PILIPI 2:14 - Tanou Moonsoi Timugon

¹⁴ Atan ayuk kondoyon min, moonsoi kalo mambulingot kau kapoam makimansangor.

PILIPI 2:14 ပူးပေါင်းရင်းမြစ်များ

MAZMUR 106:25

Mambubutok ilo ra kim nilono am kalo mangkirongog ilo ra ragu ru Tuhan.

AMSAL 13:10

Limbau magibit ra kapaganan; ulun mapintar mangapu ra pangilaan.

UNTABAN 14:27

“Saboi sanggilan kia ulun mangalaat ti mambutok Raki'? Norongog Ku noyo ngaangai' butok nilo!

MATIUS 20:11

Paat ra ilo nangapu ra gaji' nilo, bubutok ilo ayuk ra tatangan ru umo i.

MARKUS 14:5

Sabap ra umau raginio maalap katalan masailan poyo talu ngaatus ruit pirok, am tatayaron ra ulun musikin.” Sangiti' nilo boo ruandu' no.

MARKUS 9:14

Paat ri Jisus, i Pitrus, i Jakubus am i Juanis siminaguli' ra maamaya' Nano ra bokon, ilai' nilo masuang ulun liminimpu risilo. Kukula' ngaulun mangingila' ra Ukum ri Musa mantataam ra maamaya' Nano.

LUKAS 5:30

Kukula' ngaulun ru Parisi am mangingila' ra Ukum ri Musa kalo naansayan ilo raginio. Konilo ra maamaya' ri Jisus, “Kua gulung kau pangakan am panginum ra ulun mampalulur ra cukai am poyo ulun ondo' karaan ra malaat?”

RINALATAN 15:2

Kaa' minansang toojo i Paulus am i Barnabas ra pangilaan ru ulun rati. Pupus i, i Paulus, i Barnabas am poyo kukula' ngaulun Kristian intor ra Antiokia pinoongoi ra Jirusalim koson mongoi uma' ra rasul am tingganai ru Kristian ra manalasai ra kapaganan ragitio.

RINALATAN 15:39

Ginio boo nangkinibit ri Paulus am i Barnabas nansangor toojo am pupus i nantuliar ilo boo: I Barnabas nagibit boo ri Markus am minongoi ilo ra pulu' Siprus.

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 6:1

Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

ROMA 12:18

Amon ru maalap min, pobobonsoi kano ra ngaangai' ulun.

ROMA 14:1

Apuo' noyo ulun ondo' malawo pangintapatan am pai' noyo ansangi' io sabap ra pamaguangan galama' nano.

ROMA 16:17

Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

1 KORINTUS 10:10

Pai' takau bubutok sumangit ri Aki Kapuuno' koson ra binaal ru santayaran nilai ragili, saboi pinatoi ilo ru Malaikat Kapatayan.

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

GALATIA 5:15

Amon ru malaat kau saboi mamparuol ra rondo' am bokon, ilalai' min, amon ru kalo, makapabaya' kau ngaangai' mapuso.

GALATIA 5:26

Pai' takau pakiompor, mamparuol ra guang ru bokon, kapoam magusolon ra sangulun am bokon.

PILIPI 2:3

Pai' kano paguyum ra kaatangan ayuk galama' kapoam paliso lumimbau. Kaa' sotopot no paingganaa' min guang mino koson mangkara' ra ulun bokon maatang poyo intor ramuyun.

1 TISALONIKA 5:13

Urumato' am tagami' noyo toojo ilo sabap ra kandoi nilai ti. Kasalok kano mobonsoi ra rondo' am bokon.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

JAKUBUS 1:20

Ulun ondo' mataki' malasu' guang, kalo noyo makapambaal ra atan ondo' mapabansuk ra guang ri Aki Kapuuno'.

JAKUBUS 3:14

Kaa' amon ru lakat kau poyo magusolon, maruol guang am maguyum ak ra kaatangan galama', pai' noyo limbau ra kapintaran minti sabap ra ngaangai' ti abau ayuk.

JAKUBUS 5:9

Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.

1 PITRUS 3:11

Moonsoi ru inggalurin no kalaatan am mambaal ayuk ra moonsoi; am poyo gumogot toojo paguyum ra pabansayan, suku' moowot no.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.