PILIPI 1:30 - Tanou Moonsoi Timugon

³⁰ Raino, akau pana mabaya' niayuk raki' mampakito ra katapatan ru Tanou Moonsoi ti: Am kandoi ti nogondo' ra pangayawan ondo' nauma' kuno am nakito min noyo ragili am ondo' maining min ra lakat poyo.

PILIPI 1:30 ပူးပေါင်းရင်းမြစ်များ

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

PILIPI 1:13

Intor ra baal raginii, ngaangai' saujor ru istana no am ulun-ulun ru bandar ti pana nakapandai ra inaput aku sabap ra kandoi kuno ri Kristus.

KOLOSI 1:29

Koson mampasingkot ra kandoi raginio, sumingkotog aku toojo. Maayo toojo kuasa' ri Kristus ondo' mabaya' ra kandoi kutu.

KOLOSI 2:1

Masaga' aku mambala' ramuyun ra mapirot aku nangandoi koson mampaikang ra pangintapatan min am poyo ra ulun giu' ra Laodikia am niayuk ngaangai' ulun ra bokon ondo' kalo poyo igondo' pakatuum raki'.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

IBRANI 12:4

Ra akau mantutula' ra kuasa' ru tula, kalo poyo igondo' sangulun intor ramuyun giminula' suku' potoyon.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.