PILIPI 1:26 - Tanou Moonsoi Timugon

²⁶ Am koson boo raginio, paat ra aku mongoi poyo ramuyun, mulu' poyo kinasuang ru paringkuanangan min sabap ra indangan kutu, ondo' nagibit noyo ramuyun makasimpung ri Jisus Kristus.

PILIPI 1:26 ပူးပေါင်းရင်းမြစ်များ

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

JUANIS 16:24

Saboi raino ti kolondo' poyo kinitaak min ralalom ru inggalan Kuno. Pakitaak kano am moowot min, maa' raginio maansukan kau toojo.”

2 KORINTUS 1:14

Maa' raginio, paat ra Orou ru Tuhan Jisus matong saguli', maringkuanang kau ramon, koson akai pana maringkuanang ramuyun.

2 KORINTUS 5:12

Kalo makiompor akai poyo ramuyun, kaa' mangani' akai ayuk ramuyun ra sasaban moonsoi, maa' raginio maansukan kau ramon. Makapandai kau boo tumaam ra ulun ondo' mampakaatang ra bulos ru ulun ayuk am sala' ka bonsoi ru guang.

2 KORINTUS 7:14

Nokopongompor aku no alia ramuyun ra saang nali, am maansayan aku ra kalo tupo nampakauyu' kau raki'. Ngaangai' ragu mai ramuyun motopot ayuk, mogondo' niayuk ra ompoporon maili ri Titus i pana motopot.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

GALATIA 6:4

Moonong sigagama' musiti' ilain toojo ra paliso nano galama'. Amon ru moonsoi paliso no, bagu no maansukan io ra atan kandoi nano, am kalo pana makimogondo' ra bokon,

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:10

Ralalom pasimpungan ku ra Tuhan, maayo toojo kaansukan kuno, sabap ra pupus no ra raino ti igondo' poyo makapangindangan kau raki'. Sotopot no nampaguang kano ragitio, kaa' kolondo' ayuk kaluagan min mangani' ra pangindangan ti.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!