PILIMON 1:7 - Tanou Moonsoi Timugon

⁷ Pilimon, pabukat ku ra Kristian, togom muno raginio noyo ondo' nampakaansuk toojo raki' am niayuk nampaikang ra guang kutu! Sabap ra nampakaansuk kou no ra guang ru ngaangai' ulun ri Aki Kapuuno'.

PILIMON 1:7 ပူးပေါင်းရင်းမြစ်များ

1 KORINTUS 16:18

Napakaansuk ilo raki', koson niayuk ilo napakaansuk ramuyun. Ulun koson ragitilo, tutuno' min toojo ilo.

2 KORINTUS 7:13

Ginio noyo nampaikang ra guang mai. Am suai poyo raginio, pinaikang niayuk guang mai sabap ra kinabansuk ri Titus. Guang no pinaikang min ngaangai'.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 TISALONIKA 2:19

Akau no toojo kalansanan am kaansukan mai. Sabap ra paat ra ratangan saguli' ru Tuhan Jisus ra tumuum takau Riso, akau no sasaban ru paringkuanangan maino.

1 TISALONIKA 3:9

Raino maringkuanang akai toojo ra saang ri Aki Kapuuno' sabap ra kaansukan ru guang maiti ramuyun.

2 TIMOTIUS 1:16

Gama' ru Tuhan mangani' ra asi' Nano ri Onisiporus ilo sambaloi, sabap ra ingkukula' io no napabansuk ra guang kutu. Io kalo mauyu' raki' kabalu' ra aku inaput.

PILIMON 1:20

Pilimon, pabukat kuno ra Kristian, sabap ra Tuhan indangano' aku noyo. Katasuo' noyo guang kutu sabap ra pangintapatan tati ri Kristus.

2 JUANIS 1:4

Ina', naansukan aku kaga' naala' ra mokoondo' intor ra anak-anak muno ondo' kaayagan nilo maya' ra ralan motopot, koson ra nanusuban ri Aki Kapuuno' ritakau.