Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.
Raino, intor ra ruit paindanganon min ra ulun ri Aki Kapuuno' giu' ra Judia. Bayaa' min ayuk atan ondo' nanusuban kuno ra pasimpungan ulun Kristian giu' ra pagun Galatia.
Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.
Raino siminaguli' noyo i Timotius am nagibit ra tanou moonsoi intor ra pangintapatan am togom mino. Nambala' io ramon ra masalok kau moondom ramon am masaga' kau tumuum ramon, mogondo' ra akai masaga' tumuum ramuyun.
Pilimon, pabukat ku ra Kristian, togom muno raginio noyo ondo' nampakaansuk toojo raki' am niayuk nampaikang ra guang kutu! Sabap ra nampakaansuk kou no ra guang ru ngaangai' ulun ri Aki Kapuuno'.
Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.