PILIMON 1:24 - Tanou Moonsoi Timugon

²⁴ Mogondo' niayuk ra rangan-rangan mangandoi kuno i Markus, Aristarkus, Dimas am poyo i Lukas.

PILIMON 1:24 ပူးပေါင်းရင်းမြစ်များ

RINALATAN 12:12

Pakatutun ayuk ri Pitrus ra nasauk i, narayus io boo ra baloi ri Maria, ina' ri Juanis Markus. Giu' no masuang ulun timinimung tatanga' makiasi'.

RINALATAN 12:25

Kopongo kandoi ri Barnabas am i Saulus, saguli' ilo intor ra Jirusalim am paayaan nilo poyo i Juanis Markus.

RINALATAN 13:13

I Paulus am rangan-rangan nano siminakoi ra kapal ra Papos mongoi ra Pirga, giu' ra libung ru Pampilia. Kaa' tatango' ilo boo ri Juanis Markus ra giu' i am saguli' io boo ra Jirusalim.

RINALATAN 19:29

Kumuliangi-angi boo ulun ra ngaangai' ru bandar i. Ulun masuang namparakop niayuk ri Gayus am i Aristarkus, karuruo ti ulun Makidonia ondo' namparangan ri Paulus ralalom pangkiralanan nali. Ralaato' ilo boo ra stadium ru bandar i.

RINALATAN 27:2

Siminakoi akai ra kapal intor ra Adramitium, ondo' nakatampos mongoi ra intok raralan ru kapal ra pagun ru Asia. I Aristarkus, ulun ru Tisalonika intor ra pagun ru Makidonia, minaya' ramon.

2 KORINTUS 8:23

I Titus ti noyo rangan kuno mangandoi mangindangan ramuyun. Karuo-ruo ngaulun i poyo ondo' mamarangan riso, sinusub ilo ru pasimpungan ulun Kristian ragiti am mumbaya' risilo i Kristus urumaton.

PILIPI 2:25

Kaa' koson ra pabukat takau i Ipaproditus ondo' sinusub min mamparangan raki' koson mangindangan ra kandoi kutu, sumugut ra pamaguangan kuno moonsoi atarin ku io saguli' ramuyun.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

KOLOSI 4:10

I Aristarkus ondo' inaput nabaya' raki' ti mampasaboi ra bilin kaansayan ramuyun. Am niayuk ri Markus, pantukir ri Barnabas. (Nambilin aku no ra amon ru mongoi i Markus ramuyun, apuo' min io.)

KOLOSI 4:14

I Lukas pana, sangulun duktur ondo' tagamin mai, mampasaboi ra bilin kaansayan ramuyun am mogondo' niayuk ri Dimas.

1 PITRUS 5:13

Pasimpungan ulun Kristian intor ra Babil, ondo' pinili' niayuk ri Aki Kapuuno', mampasaboi ra bilin kaansayan nilai ramuyun. Koson niayuk anak kuno i Markus.

3 JUANIS 1:8

Ginio ra itakau ulun Kristian musiti' mangindangan ra ulun Kristian ti, maa' raginio makapangindangan ra kondoyon nilo mampatanou ra pambalaan motopot intor ri Aki Kapuuno'.