PILIMON 1:14 - Tanou Moonsoi Timugon

¹⁴ Kaa' kalo masaga' aku mambaal ra atan ayuk pana amon ru kolondo' ragu mu mangiou. Sotopot no, moonsoi ru okou ayuk galama' mangapu riso saguli' maya' ra kasagaan muno am sala' ka jajalin tokou.

PILIMON 1:14 ပူးပေါင်းရင်းမြစ်များ

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

1 KORINTUS 9:17

Amon ru kondoyon kutu sumugut ra kasagaan kuno galama', maaya' aku niayuk makitaak ra ampos. Kaa' aku mampasaboi ra Tanou Moonsoi no, sabap raginio musiti' baalon kuno, io no kandoi tinaakan ri Aki Kapuuno' raki'.

1 KORINTUS 9:7

Kolondo' saujor maguyum ra balanja' nano galama' paat ra io makaaya' ra pangayawan. Kapoam kolondo' ulun magitanom kalo mangakan ra kawa' ru anggur intor ra umo nano galama'. Kapoam kolondo' magagalung ondo' kalo manginum ra gatas intor ra domba nano galama'.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 9:5

Ginio nai ra aku nampaguang ra moonsoi poongoyon ku talu ngaulun i ramuyun magulu intor raki', maa' raginio makatampos kau ra ruit paindanganon ondo' binantu' min i. Kon boo raginio nakatampos noyo ruit paindanganon mino ra aku makasuku'. Ginio koson mampakito ra mangani' kau maya' ra kinataau ru guang min, am sala' ka najajalan kau.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.