PILIMON 1:1 - Tanou Moonsoi Timugon

¹ Aku i Paulus ondo' inaput sabap ra pampatanawan kuno ri Jisus Kristus. Am intor niayuk ra pabukat takau i Timotius. Okou ti Pilimon papasabayan ku ra surat ti, okou ondo' tagamin mai am niayuk rangan mai mangandoi.

PILIMON 1:1 ပူးပေါင်းရင်းမြစ်များ

RINALATAN 16:1

Minongoi i Paulus ra Dirbi am Listra. Giu' ra Listra mokoondo' sangulun Kristian, inggalan nali i Timotius. Ina' nano ulun ru Jaudi, ondo' niayuk sangulun Kristian kaa' ama' nano ulun ru Junani.

1 KORINTUS 3:9

Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

2 KORINTUS 1:1

Pabukat kau ngaangai' ra pasimpungan ulun Kristian ra bandar Korintus am poyo ngaangai' ulun ri Aki Kapuuno' ra pagun Akaya. Surat ti intor raki', i Paulus, rasul ri Jisus Kristus ondo' piniau ri Aki Kapuuno', am intor ra pabukat takau i Timotius. Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

IPISUS 6:20

Sabap ra kandoi mambala' ra Tanou Moonsoi ti pinakandayan raki' ri Jisus, kabalu' pana soroi aku ra pangaputan ti raino. Pakiasi' kano koson makakau' aku po mampabala' ra Tanou Moonsoi no maya' ra inaru' no.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.

PILIPI 2:25

Kaa' koson ra pabukat takau i Ipaproditus ondo' sinusub min mamparangan raki' koson mangindangan ra kandoi kutu, sumugut ra pamaguangan kuno moonsoi atarin ku io saguli' ramuyun.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

KOLOSI 1:1

Aku i Paulus, sangulun rasul ondo' mampasaboi ra tanou ri Jisus Kristus am poyo i Timotius, pabukat takau ra Kristian.

KOLOSI 4:11

I Josua, ondo' poyo sabiton ri Justus, io pana mampasaboi ra bilin kaansayan ramuyun. Intor ra ulun ru Jaudi ondo' nasauk ra Kristian, ilo talu ngaulun ti ayuk ondo' mabaya' raki' mampaugar ra kandoi ru Pamarintaan ri Aki Kapuuno'. Mangindangan ilo toojo raki'.

1 TISALONIKA 3:2

liliwa' poongoyon mai ramuyun i Timotius, pabukat takau. Io no sangulun mangangandoi ra Tuhan ondo' mabaya' ramon mampasaboi ra Tanou Moonsoi ri Kristus. Io sinusub mai mampaikang ra guang am pangintapatan mino ri Kristus.

2 TISALONIKA 1:1

Aku i Paulus, mabaya' ri Silas am i Timotius. Surat ti posoboyon ra pasimpungan ulun Kristian ra bandar Tisalonika, ulun kau ri Aki Kapuuno', Ama' takau, am poyo ulun kau ru Tuhan Jisus Kristus:

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

PILIMON 1:23

I Ipapras, ondo' inaput nabaya' raki' sabap ra pampatanawan ri Kristus Jisus, mampasaboi niayuk ra bilin kaansayan rirun.

PILIMON 1:24

Mogondo' niayuk ra rangan-rangan mangandoi kuno i Markus, Aristarkus, Dimas am poyo i Lukas.

PILIMON 1:9

Kaa' sabap ra togom ti, makitaak aku ayuk rirun. Aku ti duta ri Kristus Jisus am raino inaput poyo sabap Io.