OBAJA 1:21 - Tanou Moonsoi Timugon

²¹ Ulun ru Jirusalim ondo' nakasugut mamulunsar ra Idom am kuasaan no ginio. Tuhan galama' mamarinta koson ra raja'.”

OBAJA 1:21 ပူးပေါင်းရင်းမြစ်များ

KASAUKAN 25:23

Indagu Tuhan riso, “Mokoondo' ruo bansa' tininai' muno, maganak kou ra ruo bansa' ondo' mantula'; boborok no maikang poyo intor ra maayo no, maayo no makiulipon ra boborok no.”

2 RAJA'-RAJA' 13:5

Nangator Tuhan ra sangulun tingganai ondo' nampalabus ra Israil intor ra pangimbalaan ru ulun ru Siria. Intor ragili Israil naayag ra mamimio koson ra kaindalaman.

NIGIMIA 9:27

saboi nompoloso Kou ra pantula' nangala am nanguasa' risilo. Paat ra kapaganan, nampiau ilo makiindangan Rirun; intor ra suruga', timinaam Kou risilo. Sabap ra makaasi' Kou nanusub Kou ra tingganai-tingganai, ondo' namayag risilo intor ra pantula'.

MAZMUR 102:15

Kabalu' pana Sion no nagagai, ngaangai' ru ulipon Muno motogom riso; kabalu' pana Sion no naluyu', makaasi' ilo riso.

MAZMUR 22:28

Ngaangai' bansa' mangkara' ra Tuhan am sumaguli' Riso; ngaangai' tayar ru bansa' sumamba Riso.

MAZMUR 22:29

Tuhan noyo Raja' am Io namarinta ra ngaangai' bansa'.

MAZMUR 47:7

Omporo' noyo i Aki Kapuuno' no ra rimbai; omporo' noyo Raja' takano ra rimbai!

MAZMUR 67:4

Gama' ru bansa'-bansa' mongompor Rirun, iou Aki Kapuuno'; gama' ru ngaangai' bansa' mongompor Rirun!

JISAYA 19:20

Altar am batu pangkaraan masauk ra tatandu' ratangan ru Tuhan Ondo' Maayo Kaga' Kuasa' giu' ra Misir. Paat ra ulun ru giu' no imboloon, am mampiau ilo ra Tuhan makiindangan, susubon No sangulun mongoi pamayag risilo.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

DANIL 2:35

Pulali' ru sinungkalalaing no naaba' am nasauk ra tuntur ru basi', tana' lia', tambaga', pirok am mas ondo' naumok koson ra kaau giu' ra intok mangagik ra gandum bulintok ra malasu'. Angin pana nanampui riso ra kalo nanatang ra atan pana babaya'. Kaa' batu no nasauk ra rondo' gunung ondo' namapak ra titikop ru tana' ti.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

MIKA 4:7

Ilo kalo makalulu' am maalur intor ra baloi, kaa' mangani' Aku ra kaluagan bagu risilo ondo' lakat poyo maayag, am masauk ilo ra rondo' bansa' ondo' maayo. Mamarinta Aku risilo intor ra Bulur Sion suku' ra sabuoi-buoi no.”

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

MATIUS 6:10

Gama' ru Okou mamarinta saboi kasagaan Muno saukon ra tana' ti mogondo' giu' ra suruga'.

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

LUKAS 22:30

Mangakan am manginum kau ra rondo' mija' mababaya' Raki' paat ra Aku masauk ra raja'. Akau pana saukon ra raja' koson mangakim ra mopor am ruo ngantayaran bansa' ru Israil.”

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

JAKUBUS 5:20

karaa' min gitio: Osoi ayuk magibit ra ulun makatula tumalikur intor ra kaayagan nakalayau, makapamayag io ra ulun makatula no intor ra kapatayan am masuang tula pana ampunon.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 19:6

Korongog ku boo koson ra bolos ru ulun masuang; koson ra kinapuor ru bosoi maayo am koson ra timpalak mapuor. Norongog ku ilo minindagu ra, “Koompor noyo i Aki Kapuuno'. Sabap ra Tuhan takau i Aki Kapuuno' Maayo Kaga' Kuasa' no mamarinta.

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

TINGGANAI RU BANSA' 2:16

Ruruli' Tuhan manaak ra ulun ru Israil ra tingganai koson mapalabus risilo intor ra pulalai ru ulun mantatakou.

TINGGANAI RU BANSA' 3:9

Ulun ru Israil pana nampiau makiindangan ra Tuhan, am nanusub Io ra sangulun ungkuyon makainggalan ri Otniil anak ri Kinas nampalabus risilo. I Kinas iono boborok ungkuyon ri Kalib.