OBAJA 1:16 - Tanou Moonsoi Timugon

¹⁶ Giu' ra rasawat ru bulur Kuno ondo' matulai, ulun Kuno nanginum noyo intor ra sangkir ru inumon mapait ondo' tatandu' ru ukuman nilo. Kaa' ngaangai' bansa' ra sambalayan manginum intor ra sangkir ru inumon ondo' mapait poyo kaga'. Musiti' nilo inumon ginio saboi makai', am maluus ilo ra kolondo' babaya'.”

OBAJA 1:16 ပူးပေါင်းရင်းမြစ်များ

JISAYA 42:14

Mindagu i Aki Kapuuno', “Nabuoi Aku no nongkoror; mongkoror Aku am kalo minimbuor. Kaa' ragino nasaboi noyo bulintok koson mamatas; gumolok aku koson ra ruandu' maganak.

JIRIMIA 49:12

Ulun ondo' sotopot no kalo ukumin pana natiu' ra ukuman. Indoson min kia ra makalabus kau intor ra ukuman? Maaru' ukumin kau!

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

ABAKUK 1:9

Saujor ru Babilonia matong am mamulunsar ra tigaluon; moonong ulun malaa' paat ra ilo matong. Ulun rinakop nilo masuang kaga' koson ra agis.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?