OBAJA 1:12 - Tanou Moonsoi Timugon

¹² Akau sotopot no kalo maansukan sabap ra karaat ondo' nakalumpa' ra pabukat min giu' ra Jiuda. Akau sotopot no kalo maansukan paat ra orou ilo mapuso. Akau sotopot no kalo makakurit risilo paat ra ilo mapagon.

OBAJA 1:12 ပူးပေါင်းရင်းမြစ်များ

AYUP 18:20

Mangkirongog ra baal nakatiu' risilo, mamagun giu' ra kalasaan nakatigog, am mamagun giu' ra sirangon monontol sabap malaa'.

AYUP 31:29

Kalo igondo' aku maansukan paat ra pantula' kuno maimbolo', am kalo igondo' maansayan paat ra ilo malumpa' ru karaat.

MAZMUR 22:17

Santimungan ulun mangalaat liminiput raki'; koson ra santimungan uku', liminibung raki'; kumokot ilo ra longon am niayuk kalayam kuno.

MAZMUR 31:18

Mampiau aku Rirun, iou Tuhan; pai' aku polosoo' tauyuon. Polosoo' ayuk ulun malaat tauyuon, am kalinuos nilo tumuun ra intokon ru ulun namagatoi.

MAZMUR 35:15

Kaa' paat ra aku makakapaganan, maansukan ilo ngaangai' am libungin aku liliwa' nilo magasab raki'; ulun ondo' kalo nauligan kuno rayusin no lamba' no raki'.

MAZMUR 37:13

Kaa' Tuhan makakurit ra ulun malaat, sabap ra napandayan No ra pupus nilono mamaar noyo.

MAZMUR 54:7

Polosoon i Aki Kapuuno' mangukum ra pantula' kuno ra kalaatan nilo, am mamuso risilo sabap ra mampagagaya' Io raki'.

MAZMUR 59:10

Malansan aku ra kaikangan Muno; iou Aki Kapuuno', Okou noyo sisindungan kuno.

MAZMUR 92:11

Sinauk Mu aku maikang koson ra sapi' gawayan ondo' masigo; binarakat Mu aku ra kaansukan.

AMSAL 17:5

Osoi-osoi magasab ra ulun musikin, magasab ri Aki Kapuuno' ondo' namangun risilo. Osoi-osoi maansukan ra ulun ondo' najamaran io ukumin.

JISAYA 37:24

Nanusub kou ra kukula' ngaulun koson lumimbau ri saang Kuno, pangkaraan muno kurita' kuda muno makapanguasa' ra gunung-gunung mangasawat giu' ra Libanon. Ragu muno ayuk maayo ra tinagar mu kunu' puun ru tataun sidar ondo' masawat kaga', am puun ru sipris ondo' moonsoi kaga', am naliput mu kunu' kataunan ru Libanon ondo' makapal no.

SULABOI 2:16

Ngaangai' ru pantula' muno mangiis rirun am magilong rirun ra masisang. Manjabiu bibil nilo liliwa' magasab, “Pinuso mai noyo okou! Gitio noyo orou ondo' inaanin mai!”

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

YEHEZKIEL 35:12

Bagu no makapandai kau ra Aku, Tuhan mokorongog ra pagasaban min paat ra akau mindagu, ‘Gunung-gunung ru Israil nasauk ra masiluk am pataakin ra akanon takau.’

YEHEZKIEL 35:15

koson akau ragili maansayan magilong ra pagun ru Israil, longgom Kuno nasauk ra kolondo' tutuu' am masiluk. Sotopot no kabuluran ru Siir, am niayuk titikop ru pagun Idom masauk ra kolondo' tutuu' am masiluk. Paat raginio makapandai boo moonong ulun ra Aku noyo Tuhan.”

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

MIKA 4:11

Masuang noyo bansa' timinimung koson mamulunsar ramuyun. Konilo, “Jirusalim musiti' pusoon! Magilong akai ra bandar no masauk ra malunsai!”

LUKAS 19:41

Maar makasuku' ra bandar no, tantangin ri Jisus am tangii' No,

JAKUBUS 3:5

Kon niayuk ra rila' takati. Kabalu' pana ra io boborok ayuk, kaa' lumimbau io. Karaa' noyo kula' gayo ru kataunan, kaa' maalap niayuk kosolob ru apui boborok pana.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.

PINAINTALANG 13:5

Bibiag masigo no iowon lumimbau am migiangku ra io i Aki Kapuuno'. Iowon io poyo manguasa' apat ngoopor am ruo ngambulan.

1 SAMUIL 2:3

Langgai' noyo ragu muno ra malilimbau, pai' indagu ra ragu masumbung. Sabap ra Tuhan no i Aki Kapuuno' Ondo' Makapandai Kaga', mangakim Io ra ngaangai' baalon ru ulun.