NIGIMIA 9:6 - Tanou Moonsoi Timugon6 Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun. အခန်းကိုကြည့်ပါ။ |
Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”
“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.
Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.