NIGIMIA 9:5 - Tanou Moonsoi Timugon

⁵ Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

NIGIMIA 9:5 ပူးပေါင်းရင်းမြစ်များ

1 RAJA'-RAJA' 8:14

Tatanga' ru mamagun matimung ra giu' no, pagilong Raja' Salomo risilo, am pakitaak ri Aki Kapuuno' mambarakat risilo.

1 RAJA'-RAJA' 8:15

Indagu raja', “Koompor noyo Tuhan, i Aki Kapuuno' ru Israil! Nanugut Io ra bantu' ondo' binaal Nano ra ama' kuli, Raja' Daut, paat ra Io minindagu ra Raja' Daut koon ragitio,

1 RAJA'-RAJA' 8:22

Kopongo raginio giu' ra saang ru mamagun, minigor Raja' Salomo tumingkuang ra altar. Potoroyo' no karuo-ruo kalindu' nano

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

1 TUNUNG RU BANSA' ISRAIL 16:36

Omporo' noyo Tuhan, i Aki Kapuuno' ru Israil! Omporo' noyo Io raino am sabubuoi no! Kopongo raginio ngaangai' ulun ru Israil mindagu, “Amin”, am mongompor ilo ra Tuhan.

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

1 TUNUNG RU BANSA' ISRAIL 29:13

Raino, iou Aki Kapuuno' mai, maringkuanang akai Rirun am mongompor akai ra inggalan Muno ondo' maayo.

1 TUNUNG RU BANSA' ISRAIL 29:20

Kopongo pakiasian raginio, indagu Raja' Daut ra ulun masuang ondo' natimung ra giu' no, “Omporo' noyo Tuhan i Aki Kapuuno' min!” Ngaangai' ulun pana nongompor-ngompor boo ra Tuhan, i Aki Kapuuno' ondo' sambaan ru kinamatuaan nilai. Kopongo raginio igulatur ilo koson mangurumat ra Tuhan am raja'.

2 TUNUNG RU BANSA' ISRAIL 20:13

Ngaangai' bala ru ungkuyon ru Jiuda, mababaya' ra anak andu' nilo, migor giu' ra Baloi ru Tuhan.

2 TUNUNG RU BANSA' ISRAIL 20:19

Bansa' ru Kigat am Kora intor ra bansa' ru Liwi minigor, pagilakup ra nagindii boo mongompor ra Tuhan, i Aki Kapuuno' ru Israil.

IJRA 3:11

Narimbai ilo ra pangamparan ra Tuhan, am sinaguli' tayar ra rimbai ra pupus toojo, ondo' bolos no koon ragitio: “Tuhan no moonsoi, togom Nano ra Israil mantilayun.” Mamagun maya' magilakup am mongompor ra Tuhan sabap ra batu maatang ru Baloi ru Tuhan pinabanta' noyo.

NIGIMIA 9:4

Giu' no mokoondo' pantas ondo' tinampos koson ra ulun ru Liwi. I Jisua, Bani, Kadmiil, Sibania, Buni, Siribia, Bani am Kinani minigor giu' ra rasawat ru pantas no. Nakiasi' ilo ra Tuhan, i Aki Kapuuno' nilo ra bolos matangil.

NIGIMIA 9:6

Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

MAZMUR 106:2

Osoi kia makapantunung ra baal maayo ondo' binaal ru Tuhan? Osoi kia mokopongompor Riso ra sotopot-topot no?

MAZMUR 134:1

Rimbai ru ratangan. Ibok, omporo' noyo Tuhan, akau ngaangai' ulipon ru Tuhan, ondo' mangandoi ra Baloi Nano bulintok molondom.

MAZMUR 145:2

Moonong orou aku maringkuanang Rirun; omporon Tokou ra sabuoi-buoi no.

MAZMUR 145:5

Tunungon ru ulun katulayan Muno am kuasa' Muno, am karaan ku binaal Muno ondo' makaimuag no.

MAZMUR 146:2

Mongompor aku Riso buoi ru painawo kuno; rimbayin ku i Aki Kapuuno' kuno buoi ru painawo kuno.

MAZMUR 16:2

Mindagu aku ra Tuhan, “Okou noyo Tuhan kuno; kolondo' noyo mokogondo' ra kinoonsoi Muno.”

MAZMUR 66:2

Paririmbai kano am katulayo' inggalan Nano; Urumato' am omporo' Io!

MAZMUR 99:3

Moonong ulun mongompor ra inggalan Nano ondo' maayo am matulai. Io no matulai!

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 15:6

Iou Tuhan, ikang Muno, makaimuag kaga', nanutuk Kou ra pantula' saboi natutuk kaga'.

DANIL 2:20

“I Aki Kapuuno' totopot mapintar am makakuasa'! Omporon Io ra sabubuoi no.

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

SAGULION 28:58

“Amon ru kalo totopot kau gumagaya' ra ngaangai' susuban ri Aki Kapuuno' ondo' natulisan ralalom ru kitab ti, am kalo mangurumat ra Tuhan i Aki Kapuuno' min ondo' maayo am makaimuag no,

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

TINGGANAI RU BANSA' 13:18

Pangkuot malaikat ru Tuhan no, “Kua masaga' kou makapandai ra inggalan kuno? Inggalan kuno inggalan ondo' makaimuag.”