NIGIMIA 9:30 - Tanou Moonsoi Timugon

³⁰ Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

NIGIMIA 9:30 ပူးပေါင်းရင်းမြစ်များ

2 RAJA'-RAJA' 18:11

Kopongo raginio raja' ru Asyur nagibit ra ulun ru Israil minongoi ra Asyur koson ra ulun rinakop, am pinaayan santayaran intor risilo giu' ra bandar Galag, santayaran giu' ra kiing ru Sungoi Gabor giu' ra libung Gojan, am santayaran poyo giu' ra bandar-bandar ru pagun Madai.

2 RAJA'-RAJA' 21:10

Pinabala' galing ra nabi-nabi, ulipon-ulipon Nali, minindagu Tuhan,

2 TUNUNG RU BANSA' ISRAIL 24:19

Nanusub Tuhan ra nabi-nabi koson mampakara' risilo maa' raginio sumaguli' mangandoi ayuk Riso, kaa' kalo riminongog ilo.

IJRA 9:10

Kaa' raino, iou Aki Kapuuno', kalupus kasaukan raginio, atan kia makaragu mai? Igondo' poyo inanggal mai susuban Muno

NIGIMIA 9:20

Sabap ra kinoonsoi Muno, nambala' Kou ramon ra atan ondo' musiti' baalon; nangani' Kou risilo ra manna koson ra akanon, nangani' Kou risilo ra timug koson ra inumon.

NIGIMIA 9:26

Kaa' ulun Muno giminuor am kalo giminagaya' Rirun; tinalikuran nilo Taurat Muno. Pinatoi nilo nabi-nabi ondo' nampakara' risilo, am ondo' nanusub risilo sumaguli' Rirun. Ruruli' ilo magasab Rirun,

NIGIMIA 9:29

Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 95:10

Suku' apat ngoopor ngambilor Aku nasuraan risilo; Minindagu Aku, ‘Mapara' piboo usung nilono! Kalo gumagaya' ilo ra panusuban Kuno.’

JISAYA 28:10

Masaga' io mangila' ra moonong urup, moonong sulabit, am moonong tayar.”

JISAYA 42:24

Osoi kia napataak ra Israil no ra kalindu' ru pantula'? Tuhan galama', sabap ra makatula takau Riso! Kalo masaga' takau maayag maya' ra kasagaan Nano kapoam sumugut ra pangilaan Nano.

JISAYA 48:9

Oroton Ku ayuk sangit Kuno, maa' raginio ulun mongompor ra inggalan Kuno. Oroton Ku ayuk sangit Kuno, maa' raginio kalo potoyon kau.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

JIRIMIA 25:4

Rinayus ayuk ru Tuhan nanusub ra nabi-nabi, iono ulipon-ulipon Nano minongoi ramuyun, kaa' marara' kau mangkirongog am mampalio risilo.

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

JIRIMIA 44:5

Kaa' marara' kau mangkirongog kapoam mampalio raginio. Marara' kau manatang ra baal malaat; rinayus min mampataak ra taak simbalui ra dewa-dewa.

JIRIMIA 7:25

Intor ra kinamatuaan min miningkual intor ra Misir saboi ra orou raiti', magail Aku manusub ra ulipon-ulipon Kuli, nabi-nabi minongoi ramuyun.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

DANIL 9:6

Kalo nangkirongog akai ra nabi-nabi, ulipon-ulipon Muno, ondo' minindagu sabap ra inggalan Muno ra raja', panguasa', am kinamatuaan mai, am niayuk ngaangai' ru bansa' mai.

JAKARIA 7:12

Kinokotog nilo guang saboi kalo siminugut ra pangilaan ondo' tinaakan Kuno risilo ondo' pinabala' galing ra nabi-nabi ra galing i. Ginio ra siminangit Aku kaga' risilo.

JAKARIA 7:13

Kalo tinaam Ku pakiasian nilo sabap marara' ilo rumongog paat ra Aku mindagu.

UNTABAN 11:26

Ruo intor ra tulu' ngoopor ngaulun tingganai no, iono i Ildad am i Midad, minayan giu' ra pangkiman am kalo minongoi ra Kim ru Tuhan. Giu' ra pangkiman no, timinuun Ambiluo ra rasawat nilo am ilo pana tumalimpuun mampiau koson ra nabi.

RINALATAN 13:18

Buoi ru apat ngoopor ngambilor nokoorot Io risilo giu' ra tana' kaagisan.

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

1 PITRUS 1:11

Nangimumuyan nilo ra ati kulaan am sanggilan ginio masauk, sumugut ra bolos ru Ambiluo ri Kristus ralalom ru guang nilo. Io no nambala' risilo intor ra kaimbalaan ondo' inaru' matuum ri Kristus am poyo intor ra katulayan ra tauli no.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.