NIGIMIA 9:29 - Tanou Moonsoi Timugon

²⁹ Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

NIGIMIA 9:29 ပူးပေါင်းရင်းမြစ်များ

2 RAJA'-RAJA' 17:13

Nanusub Tuhan ra kukula' ngaulun am nabi Nano koson mampakara' toojo ra Israil am Jiuda. Ragu ru Tuhan, “Longgo' kano mambaal ra malaat am gagayaa' min susuban Kuno ondo' nakasimpung ralalom ru Ukum ondo' tinaakan Kuno ra kinamatuaan mini am niayuk akau ondo' pinabala' galing ra nabi-nabi, ulipon-ulipon Kuno.”

2 RAJA'-RAJA' 17:14

Kaa' marara' ilo gumagaya'; mokotog ulu nilo koson ra kinamatuaan nilai ondo' kalo mangintopot ra Tuhan, i Aki Kapuuno' nilo.

2 TUNUNG RU BANSA' ISRAIL 24:19

Nanusub Tuhan ra nabi-nabi koson mampakara' risilo maa' raginio sumaguli' mangandoi ayuk Riso, kaa' kalo riminongog ilo.

2 TUNUNG RU BANSA' ISRAIL 33:10

Kabalu' pana Tuhan nampakara' ra Raja' Manasi am mamagun nano, kaa' marara' ilo mampalio ra pampakaraan no.

2 TUNUNG RU BANSA' ISRAIL 36:15

Buoi ru ginio Tuhan, i Aki Kapuuno' ru kinamatuaan nilo, nararayus nanusub ra nabi koson mampakara' ra ulun Nano, sabap ra masaga' Io mamayag risilo am Baloi ru Tuhan.

NIGIMIA 13:15

Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat.

NIGIMIA 9:10

Nambaal Kou ra kaimuagan ondo' makaimuag, koson manggal ra raja', pagawai am mamagun ru raja', sabap ra Okou nakapandai ati kulaan ulun Muno inimbolo' nilo. Ginio ra inggalan Muno maayo kaga' saboi orou raiti'.

NIGIMIA 9:16

Kaa' kinamatuaan mai bambalingatan am malilimbau, kalo giminagaya' ilo ra susuban Muno.

NIGIMIA 9:26

Kaa' ulun Muno giminuor am kalo giminagaya' Rirun; tinalikuran nilo Taurat Muno. Pinatoi nilo nabi-nabi ondo' nampakara' risilo, am ondo' nanusub risilo sumaguli' Rirun. Ruruli' ilo magasab Rirun,

NIGIMIA 9:30

Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 42:19

Aku pana mindagu poyo, “Nambala' noyo Tuhan ramuyun ngaangai' ondo' lakat poyo soroi giu' ra Jiuda maa' raginio kalo mongoi ra Misir. Ginio ra akau pakaraan Ku raino,

JIRIMIA 43:2

Kopongo raginio i Ajaria anak ri Gosaya am i Joganan anak ri Karia am ngaangai' ulun ra bokon ondo' malilimbau no minindagu raki', “Magabau kou! Tuhan, i Aki Kapuuno' takau, kalo nanusub rirun manginga' ramon koson mayan giu' ra Misir.

JIRIMIA 44:10

Kaa' saboi orou raiti' lakat kau poyo kalo minggana' guang. Kalo mangurumat kau Raki' kapoam maayag sumugut ra ngaangai' ru ukum ondo' tinaakan Kuli ramuyun am kinamatuaan min.

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

YEHEZKIEL 20:11

Aniin Ku ilo ra susuban Kuno am mangila' risilo ra ukum Kuno, ondo' mangani' ra kaayagan ra osoi ayuk gumagaya' raginio.

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

IMAMAT 18:5

Suguto' ngaangai' ukum am susuban ondo' taakin Kuno ramuyun. Ulun ondo' mambaal raginio maayag. Aku noyo Tuhan.”

MATIUS 19:17

Taam i Jisus, “Kua pangkuot kou Raki' ra atan moonsoi? I Aki Kapuuno' ayuk moonsoi. Amon ru masaga' kou maayag mantilayun, gagaya' no ra ukum ri Aki Kapuuno'.”

LUKAS 10:28

Indagu i Jisus riso, “Motopot taam muno. Baalo' noyo ginio, am maayag kou.”

ROMA 10:5

Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.”

GALATIA 3:12

Ukum ri Musa no kalo inimpuun ra pangintapatan. Kaa' koson tinulisan ra Buuk Kitab ra, “Ulun ondo' mampagagaya' ra ngaangai' susuban ru ukum ti, maayag io.”

SAGULION 31:21

Masuang karaat makalalaa' makalumpa' risilo, kaa' rimbai ragitio magulayun rimbayon am masauk ra sasi' risilo. Mulu' ra raino pana, ra Aku kalo poyo magibit risilo ra tana' ondo' binantu' Kuno, nakapandai Aku noyo ra pangkaraan nilo.”

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

TINGGANAI RU BANSA' 6:10

Nambala' Aku ramuyun ra Aku noyo Tuhan i Aki Kapuuno' min, am ra akau kalo iowon sumamba ra dewa ru ulun ru Amori, ondo' pagun nilo inayanan min raino. Kaa' kalo ginagaya' min ragu Kuno.’ ”