NIGIMIA 9:25 - Tanou Moonsoi Timugon

²⁵ Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

NIGIMIA 9:25 ပူးပေါင်းရင်းမြစ်များ

1 RAJA'-RAJA' 14:9

Tula muno maayo poyo intor ra ulun ondo' namarinta nakapagulu intor rirun. Nangimpai kou Raki'. Napatabual kou ra sangit Kuno paat ra okou nambaal ra sinungkalalaing sambaan am sinungkalalaing intor ra basi'.

1 RAJA'-RAJA' 8:66

Paat ra orou kabalu', Raja' Salomo nanusub ra ngaangai' ru ulun no muli'. Minuli' ilo ra naansukan, liliwa' mongompor ra raja' ra tayar ru ngaangai' barakat ondo' tinaakan ru Tuhan ra Raja' Daut, ulipon Nano, am ngaangai' ru ulun Nano Israil.

NIGIMIA 9:35

Mabaya' ra barakat Muno raja'-raja' namarinta ra ulun Muno, paat ra ilo minayan giu' ra pagun ondo' malangka' am malabung, tana' tinaakan Muno. Kabalu' pana raginio kalo nangiruan ilo ra tula, marara' ilo mangandoi ayuk Rirun.

MAZMUR 105:44

Pinataak No pagun ru ulun bansa' ru bokon no risilo, am umo-umo nilo sinauk ra longgom ru ulun Nano,

MAZMUR 65:11

Paratuon Mu rasam maawas am tana' ra rinadu' tinimugan; kinalami' mu tana' no ra rasam am makasauk ra tatanom tumuu' ra malabung.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

JISAYA 6:10

Indagu Io boo raki', “Ngongolo' pangkaraan ru ulun ti, barato' talingo nilono am bolowo' mato nilono maa' raginio kalo makakito ilo, kapoam mokorongog, kapoam makarati'. Amon kalo koson raginio, maaru' lair sumaguli' ilo Raki' am babason.”

JISAYA 63:7

Tunungon ku togom ru Tuhan; omporon ku Io sabap nansalinut binaal Nano. Binarakat No ulun ru Israil saboi liminuab sabap ra asi' am togom Nano kolondo' pupus.

JIRIMIA 2:7

Magibit Aku risilo mongoi ra tana' ondo' malabung koson sumia' ra ampos no am ngaangai' ondo' moonsoi. Kaa' linumo nilo tana' Kuno; jinaka' nilo pagun ondo' pinataak Kuno risilo.

JIRIMIA 31:14

Imam-imam basugon Ku ra akanon masuang, am mangukop ra ngaangai' ondo' pakuan ru ulun Kuno. Aku, Tuhan, nakaindagu noyo.”

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

DANIL 11:24

Mamulunsar io ra rondo' wilayah ondo' langkaya' am malabung ra kalo mangani' ra pampakaraan am mambaal ra baal-baal ondo' kalo igondo' binaal ru kinamatuaan nano. Ra maamaya'-maamaya' nano boo tayarin no ra kuliamos ginaau am kalangkayaan ondo' noowot no ralalom ru pangayawan. Nambaal io ra inatangan koson mamulunsar ra bandar-bandar ondo' mokoondo' ra kubu, kaa' mataki' maampus jam no.

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

SAGULION 3:5

Ngaangai' bandar no piniot ra timbok mangasawat, kulobon garabang am tataun pangunsi' ra kulobon garabang. Suai raginio, mokoondo' niayuk masuang pekan ondo' kolondo' timbok.

SAGULION 32:13

“Nangiou Io risilo mamarinta ra gunung-gunung, mangakan ilo ra ampos ru tinanom giu' ra umo-umo. Nakaalap ilo ra ruu' maningot ru kataunan giu' ra bulur batu; puun jaitun nilo timinuu' ra malabung giu' ra tana' ondo' makabatu.

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.