NIGIMIA 9:22 - Tanou Moonsoi Timugon

²² “Nangani' Kou risilo ra kamanangan ra masuang bansa' am pamarintaan ondo' nambalit ra pagun nilo. Kinala nilo pagun Gisybon ondo' pinarinta ru Raja' Sigon, am pamarintaan ru Raja' Og giu' ra pagun Basan.

NIGIMIA 9:22 ပူးပေါင်းရင်းမြစ်များ

MAZMUR 105:44

Pinataak No pagun ru ulun bansa' ru bokon no risilo, am umo-umo nilo sinauk ra longgom ru ulun Nano,

MAZMUR 78:65

Pupus no sumukal Tuhan koson sumukal intor ra nombolong; maayo guang koson ra sangulun maikang ondo' nakainum ra wain.

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

YEHEZKIEL 20:28

Inibit Ku ilo ra tana' ondo' binantu' Kuno, kaa' pakakito ilo ra bulur ondo' mangasawat am puun tataun masansam, nampataak ilo ra taak simbalui giu' ra intok-intok raginio. Napasingkual ilo ra sangit Kuno ra taak simbalui ondo' sinolob am wain ondo' pinataak nilo.

SAGULION 1:4

Baal ragitio nasauk nalupus Tuhan nangala ra Raja' Sigon, raja' ru ulun ru Amori ondo' namarinta giu' ra bandar Gisybon, am niayuk Raja' Og, raja' Basan, ondo' namarinta giu' ra bandar Asytarot am Idrii.

SAGULION 32:26

Aku musiti' no mamuso risilo ngaangai', maa' raginio kolondo' sangulun pana mangkara' risilo.

SAGULION 4:47

Minayan ilo ra tana' ru Raja' Sigon, am niayuk tana' ru Raja' Og giu' ra Basan, sangulun raja' ru Amori ra bokon ondo' minayan giu' ra tampilon ru Sungoi Jordan.

JOSUA 10:11

Paat ulun ru Amori nagiru' intor ra ulun ru Israil mansail ra pipilon ru gunung, naparatu' Tuhan ra rasam batu risilo ra galur ru ralan saboi ra Ajika, saboi masuang poyo pinatoi ru rasam batu intor ra ondo' pinatoi ru ulun ru Israil.

JOSUA 11:23

I Josua nampagaau ra titikop ru tana' no, sumugut ra susuban ru Tuhan ri Musa. Tinayar-tayar ri Josua tana' no, am nanaak ra santayaran ra moonong bansa' ru Israil koson ra longgom nilo ilo galama'. Ulun ru Israil liminonggo' nangayou am pagun nilo mamimio.