NIGIMIA 9:20 - Tanou Moonsoi Timugon

²⁰ Sabap ra kinoonsoi Muno, nambala' Kou ramon ra atan ondo' musiti' baalon; nangani' Kou risilo ra manna koson ra akanon, nangani' Kou risilo ra timug koson ra inumon.

NIGIMIA 9:20 ပူးပေါင်းရင်းမြစ်များ

NIGIMIA 9:30

Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

MAZMUR 105:41

Bulur batu linapak No, am timug tumampusis mingkual, am tumuluk koson ra sungoi giu' ra tana' kaagisan.

MAZMUR 143:10

Okou no i Aki Kapuuno' kuno; ilaa' aku mambaal ra kasagaan Muno. Koonsoi no raki', am pangaak raki' mongoi ra ralan matanda'.

KAINGKUALAN 16:15

Pakakito ulun ru Israil raginio, kalo makapandai ilo atan ginio. Pasakuot ilo ra rondo' am bokon, “Atan kia ginio?” Indagu i Musa risilo, “Gitio noyo akanon pinataak ru Tuhan ramuyun ra akanon.

KAINGKUALAN 16:35

Nangakan ulun ru Israil ra manna buoi apat ngoopor ngambilor polos ilo nakasaboi ra tana' ru Kanaan, intok pamagunan nilo. (

KAINGKUALAN 16:4

Indagu Tuhan ri Musa, “Raino maparatu' Aku ramuyun ngaangai' ra akanon intor ra limbowon. Moonong orou ulun musiti' mingkual manimung ra ruti' kaukapan ra songorou. Ralan ragitio makapangkinam Aku ra ulun Kuno, maa' raginio mapandayan Ku ru gagayaan nilo susuban Kuno kapoam kalo.

KAINGKUALAN 17:3

Kaa' ulun-ulun pinaason kaga' am marayus-rayus ilo mambutok ri Musa. Konilo, “Kua ibito' mu akai mingkual intor ra Misir? Maa' kia raginio akai am anak maiti, am niayuk tinambiag mai matoi ra paason?”

KAINGKUALAN 17:6

Migor Aku ra saang mino rasawat ru rondo' batu maayo giu' ra Gunung Sinai. Lambaa' batu no, am mingkual timug ra inumon ru ulun.” Baalo' ri Musa ginio ra saang ru tingganai ulun ru Israil no.

JISAYA 48:21

Bulintok ra Tuhan maningganai ra ulun Nano mugar ra tana' kaagisan, kalo paason ilo. Paingkualon No timug intor ra bulur batu no risilo; lapakon No bulur batu, am timug pana tumampusis.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

AGAI 2:5

Paat ra akau miningkual intor ra Misir, binantu' Ku noyo koson masalok mabaya' ramuyun. Raino pana lakat poyo mabaya' Aku ramuyun. Ginio ra kalo pana malaa' kau.

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

ROMA 15:30

Pabukat kau ngaangai', kitaakon takamin toojo ralalom inggalan ru Tuhan takau i Jisus Kristus am ralalom ru togom tinaakan ru Ambiluo ri Aki Kapuuno', koson mababaya' takau mirot makiasi' ri Aki Kapuuno' ra bala kuno.

1 KORINTUS 10:3

Ilo ngaangai' nangakan ra akanon ondo' inanian ri Aki Kapuuno' ralalom ru kuasa' Nano.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

JOSUA 5:12

Paat raginio manna kalo boo maratu' ra tana' am ulun ru Israil kalo boo mangalap raginio. Intor orou raginio, mangakan ilo ra ampos ru tatanom giu' ra Kanaan.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.