NIGIMIA 9:14 - Tanou Moonsoi Timugon

¹⁴ Nangila' Kou risilo mangiantak ra orou Sabat ondo' mapasau no, am ondo' pinabala' galing ra ulipon Muno i Musa, nangani' Kou risilo ra ukum Muno.

NIGIMIA 9:14 ပူးပေါင်းရင်းမြစ်များ

YEHEZKIEL 20:12

Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

KASAUKAN 2:3

Nambarakat i Aki Kapuuno' ra orou ra katulu' ti am orou raginio sinauk ra orou patimpokon sabap ra paat orou raginio tumangus i Aki Kapuuno' ra nopongo noyo kandoi Nali.

YEHEZKIEL 20:20

Iantako' min orou Sabat koson tatandu' nabantuan Kuno ramuyun, koson mampakara' ramuyun ra Aku noyo Tuhan, i Aki Kapuuno' min.

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

KAINGKUALAN 16:23

Kon ri Musa risilo, “Nanusub Tuhan ra susuab no orou tangusan, orou matulai patimpokon Riso. Paat orou raiti' solobo' atan ondo' masaga' min solobon, am tonoko' atan ondo' masaga' min tonokon. Ondo' suwo no, moonsoi pasuayon am buliin tayar ru susuab no.”

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

NIGIMIA 1:8

Iou Tuhan, karaa' noyo ragu Muno ri Musa ragili, ‘Amon ru akau, ulun ru Israil, kalo gumagaya' Raki', pantutuliaron Takamin ra bansa'-bansa' ra bokon.

SAGULION 5:31

Kaa' okou, Musa, musiti' mayan ragiti mabaya' Raki'. Manaak Aku rirun ra ngaangai' ukum am susuban Kuno. Pailaa' ngaangai' no ra ulun raginio maa' raginio gumagaya' ilo raginio giu' ra pagun ondo' taakin Kuno risilo.’

SAGULION 4:45

Nangani' i Musa risilo ra ukum raginio malupus ilo miningkual intor ra Misir, am soroi giu' ra tampilon sirangon ru Sungoi Jordan, giu' ra limayak ra sandaup ru bandar Bit-Pior. Libung ragitio nakasimpung ra wilayah ondo' ragili Raja' Sigon tatangan, raja' ru ulun ru Amori, ondo' nakaili' namarinta giu' ra bandar Gisybon. Kinala ri Musa am ulun ru Israil raja' no paat ilo miningkual intor ra Misir.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

IMAMAT 27:34

Ginilo noyo susuban ondo' pinataak ru Tuhan ri Musa giu' ra tampak ru Gunung Sinai tayar ru ulun ru Israil.

KAINGKUALAN 24:12

Indagu boo Tuhan ri Musa, “Ratong noyo Raki' ra rasawat ru gunung. Giu' no mangani' Aku rirun ra ruo batu pamatikan. Batu raginilo noyo pamatikan Ku ra ngaangai' ukum Kuno. Mangani' Aku ra ngaangai' ukum no koson mangila' ra ulun raginilo.”

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

NIGIMIA 10:32

Moonong bilor akai sigagama' mangani' limo ngagram pirok koson balanja' ra Baloi ru Tuhan.

YEHEZKIEL 20:11

Aniin Ku ilo ra susuban Kuno am mangila' risilo ra ukum Kuno, ondo' mangani' ra kaayagan ra osoi ayuk gumagaya' raginio.