NIGIMIA 9:10 - Tanou Moonsoi Timugon

¹⁰ Nambaal Kou ra kaimuagan ondo' makaimuag, koson manggal ra raja', pagawai am mamagun ru raja', sabap ra Okou nakapandai ati kulaan ulun Muno inimbolo' nilo. Ginio ra inggalan Muno maayo kaga' saboi orou raiti'.

NIGIMIA 9:10 ပူးပေါင်းရင်းမြစ်များ

NIGIMIA 9:16

Kaa' kinamatuaan mai bambalingatan am malilimbau, kalo giminagaya' ilo ra susuban Muno.

NIGIMIA 9:29

Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

MAZMUR 83:18

Polosoo' ilo kalaan am malaa' ra sabuoi-buoi no; polosoo' ilo matoi ra asabin!

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

KAINGKUALAN 3:20

Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

KAINGKUALAN 7:1

Indagu Tuhan ri Musa, “Iningo' noyo, mapasauk Aku rirun koson ri Aki Kapuuno' ra saang ru raja', am i Arun, pongkotob muno mindagu riso koson ra nabi muno.

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

JISAYA 63:14

Ati poyo kulaan ra tambiag ibiton giu' ra limayak malabung, ginio niayuk Tuhan mangitang ra ulun Nano am mapatangus. Kitangon No ulun Nano am maa' raginio ra inggalan Nano uramaton.

JIRIMIA 32:20

Paat ra galing i nambaal Kou ra kaimuagan am baal-baal ra makaimuag giu' ra Misir, am saboi raino pana lakat kou poyo mambaal raginilo, ra gino ngai' ru Israil am niayuk ra gino ngai' ru bansa' ra bokon. Koon raginio noyo Okou nauligan kaga' ra ati ayuk intok.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

RINALATAN 7:36

Io ti noyo ondo' nagibit ra bansa' ru Israil miningkual intor ra Misir nabaya' ra kukula' kaimuagan sinauk no giu' ra Raat Malia' am poyo giu' ra tana' kaagisan saboi apat ngoopor ngambilor buoi.

ROMA 9:17

Sabap ra tinulisan noyo ra Buuk Kitab, kon ri Aki Kapuuno' ra raja' Misir, “Pinasauk tokou ra raja' maa' raginio ralalom rirun mampakito Aku ra kuasa' Kuno, am maa' raginio inggalan Kuno mauligan ra ati-ati ayuk ra tana' ti.”

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 7:19

Karaa' noyo karaat makalalaa' ondo' nakito min ra mato galama', kaimuagan am tatandu', am niayuk kuasa' maayo am kinapanggol ondo' pinakai ru Tuhan i Aki Kapuuno' min koson mapalabus ramuyun. Koson ra Io namuso ra ulun ru Misir ra galing i, koson niayuk raginio io mamuso ra ngaangai' bansa' ondo' kalaanin min raino.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”