NIGIMIA 8:9 - Tanou Moonsoi Timugon

⁹ Pokorongog mamagun ra pambasaan Taurat no, nalamawan ilo saboi nantangi' ilo. Ginio ra Gabenor Nigimia am Imam Ijra, ulun mapandai kaga' ra Taurat no, am ulun ru Liwi ondo' tatanga' mambala' ra liliwaan Taurat no nambala' ra mamagun, “Orou raiti' orou patimpokon koson ra Tuhan, i Aki Kapuuno' min. Ginio ra pai' kano mangiluk guang kapoam mantangi'.

NIGIMIA 8:9 ပူးပေါင်းရင်းမြစ်များ

2 RAJA'-RAJA' 22:11

Pokorongog raja' ra suang ru kitab no, rinilak no bayang nano sabap ra mangiluk.

2 RAJA'-RAJA' 22:19

am okou pana timinalikur intor ra tula am mininggana' kou ra saang Kuno. Rinilak mu bayang muno am niayuk nantangi' paat ra okou nangkirongog ra lolob Kuno ra Jirusalim am mamagun nano. Mangukum Aku ra Jirusalim ra masaran saboi inggalan nano masauk ra rondo' ulas, kaa' nokorongog Aku noyo ra pakiasian muno.

2 TUNUNG RU BANSA' ISRAIL 15:3

Nabuoi noyo Israil kalo nangandoi ayuk ri Aki Kapuuno' ondo' motopot, kolondo' imam-imam ondo' mangila' risilo, am kolondo' ukum.

2 TUNUNG RU BANSA' ISRAIL 30:22

Nongompor Raja' Gijkia ra ulun ru Liwi ra katasikan nilo maningganai ra sambayang ra Tuhan. Kopongo tulu' ngoorou ilo nakasia' ra akanon ru pangiantakan am niayuk nampataak ra taak simbalui koson maringkuanang ra Tuhan, i Aki Kapuuno' nilo,

2 TUNUNG RU BANSA' ISRAIL 34:19

Pakaining raja' ra suang ru kitab no, rilako' no bayang nano sabap ra mangiluk guang.

2 TUNUNG RU BANSA' ISRAIL 34:21

“Ongoi no pakipinson ra Tuhan ra bala kuno am ra bala ru ngaangai' mamagun ondo' lakat poyo soroi giu' ra Israil am Jiuda, intor ra pangilaan ru kitab ti. Sumangit Tuhan ritakau sabap ra kinamatuaan takau kalo giminagaya' ra ragu ru Tuhan am kalo nambaal ra atan ondo' tinulisan ra ralalom ru kitab ti.”

2 TUNUNG RU BANSA' ISRAIL 35:3

Ulun-ulun ru Liwi, iono mangingila' ru Israil ondo' timpokon ayuk ra Tuhan, nakaalap ra susuban ragitio intor ra Raja' Josia, “Pabantaa' noyo Kaban Nabantuan ondo' matulai ti giu' ra Baloi ru Tuhan, ondo' binaal ru Raja' Salomo anak ungkuyon ru Raja' Daut. Kalo pana boo ibiton min ginio intor ra intok ka intok, kaa' musiti' kau mangandoi ayuk ra Tuhan, i Aki Kapuuno' min am ulun Nano Israil.

IJRA 2:63

Gabenor ru pagun Jiuda nanginggalar risilo mangakan ra akanon ondo' pinataak ri Aki Kapuuno', saboi mokoondo' sangulun imam ondo' nakaalap ra pakituluan ra namakai ra Urim am Tumim.

IJRA 7:11

Raja' Artasasta nangani' ri Ijra, imam am ondo' mapandai kaga' ra Ukum no, ra dokumin ragitio:

NIGIMIA 10:1

Ulun kasaa' ondo' siminain raginio iono Gabenor Nigimia anak ri Gakalia. Baya' boo i Jidikia, am tauli ti ulun ragitilo:

NIGIMIA 12:26

Ngaangai' ulun no maayag bulintok ri Joyakim anak ri Jisua, akupu ri Jojadak am bulintok ru Gabenor Nigimia am Imam Ijra, ulun mapandai kaga' ra Taurat no.

NIGIMIA 7:65

Gabenor ru wilayah Jiuda nanginggalar risilo mangakan ra akanon ondo' pinataak ri Aki Kapuuno', ra kalo poyo mokoondo' ra sangulun imam ondo' makapakitulu' mamakai ra Urim am Tumim.

NIGIMIA 7:70

Masuang ulun ondo' nangani' ra indangan koson nanampilon ra balanja' ru pamunaan ra Baloi ru Tuhan: Gabenor: 8 ngakilogram mas 50 mangkuk upacara 530 sukub ru imam tingganai ru bansa': 168 ngakilogram mas 1,250 kilogram pirok Mamagun: 168 ngakilogram mas 140 ngakilogram pirok 67 sukub ru imam

NIGIMIA 8:2

Ginio ra inibit ri Ijra kitab no ra saang ru ngaangai' ulun ondo' natitimung. Ilo no ungkuyon, ruandu' am lalaing-lalaing ondo' makarati' ra suang ru kitab no.

MAMPATANOU 3:4

Io nangaru' ra paat koson mantangi' am paat ra makakurit, paat ra mangulir am paat ra lumigo',

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

MALIAKI 2:13

Suai raginio mokoondo' poyo binaal min. Tinimugan min altar ru Tuhan ra lomou; nantangi' kou am nanulaboi sabap ra Tuhan kalo boo mangapu ra taak min.

ROMA 3:20

Sabap ra kolondo' sangulun pana pobonsoyon ri Aki Kapuuno' sabap ra sumugut io ra panusuban ru Ukum no. Sotopot no, Ukum raginio mambala' ayuk ra itakau ulun makatula.

ROMA 7:9

Ragili kalo nakatutun aku toojo ra ukum, kaa' pakatutun aku ra ukum no, tumalimpuun tula no manguasa' raki',

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 26:14

Kalo nangakan aku sanganu pana intor ra sampiopor no paat aku mangulir. Kalo nagibit aku raginio intor ra baloi paat aku majamol. Kalo tinaakan ku ginio koson ra taak tayar ru ulun matoi. Sinugut ku noyo susuban Muno, iou Tuhan. Binaal ku noyo ngaangai' nanusuban Muno intor ra taak sampiopor.

JAKUBUS 4:9

Panasal, pantangi' am panulaboi kau ra baal malaat min i. Polosoo' noyo kinuritan min masauk ra tinangian am kaansukan min masauk ra kasilukan.