NIGIMIA 8:8 - Tanou Moonsoi Timugon

⁸ Pinabala' nilo Taurat ri Aki Kapuuno' no ra sinusui am nambala' ra liliwaan maa' raginio maratian ru mamagun.

NIGIMIA 8:8 ပူးပေါင်းရင်းမြစ်များ

2 RAJA'-RAJA' 23:2

am nababaya' ilo minongoi ra Baloi ru Tuhan. Minaya' risilo imam-imam, nabi-nabi am ngaangai' mamagun, ondo' langkaya' am niayuk ondo' musikin. Giu' ra saang nilo ngaangai', nambasa' raja' ra ngaangai' suang ru kitab nabantuan ondo' natuum giu' ra ralalom Baloi ru Tuhan.

IJRA 4:18

“Surat min inaligan ragu am binasa' noyo raki'.

NIGIMIA 8:12

Ngaangai' ulun no pana minuli'. Nangakan am nanginum ilo liliwa' maansukan, am niayuk nantayar ra akanon ra ulun bokon, sabap ra makapandai ilo ra arati' ru pambasaan ondo' norongog nilono.

NIGIMIA 8:7

Kopongo raginio bigor ilo ra intok ru sigagama', am ulun ru Liwi ragitio nambala' risilo ra sinail toojo Taurat no: I Jisua, Bani, Siribia, Jamin, Akub, Sabitai, Godia, Maasiya, Kilita, Ajaria, Jojabad, Ganan am Pilaya.

NIGIMIA 8:9

Pokorongog mamagun ra pambasaan Taurat no, nalamawan ilo saboi nantangi' ilo. Ginio ra Gabenor Nigimia am Imam Ijra, ulun mapandai kaga' ra Taurat no, am ulun ru Liwi ondo' tatanga' mambala' ra liliwaan Taurat no nambala' ra mamagun, “Orou raiti' orou patimpokon koson ra Tuhan, i Aki Kapuuno' min. Ginio ra pai' kano mangiluk guang kapoam mantangi'.

NIGIMIA 9:3

Buoi no olo'-olo' talu nganjam, kitab Taurat ru Tuhan, i Aki Kapuuno' nilo binasa' risilo, am buoi talu nganjam ra sumunu' no nangiou ilo ra tula am siminamba ra Tuhan, i Aki Kapuuno' nilo.

YEHEZKIEL 46:10

Ulun manguasa' musiti' sumubol ra Baloi ru Tuhan mababaya' ra mamagun, am mingkual mababaya' ra mamagun.

ABAKUK 2:2

Taam Tuhan raki', “Tulisi' ra makito toojo atan ondo' pabalaan Kuno rirun, maa' raginio matasu' basaan. Tulisi' ngaangai' no ra batu panulisan intor ra tana' labu'.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

LUKAS 24:32

Pagigindagu ilo, “Ka kia mabunduk guang to ra Io minindagu rito ra pangkiralanan tani, am nambala' rito ra tinulisan ra Buuk Kitab?”

LUKAS 24:45

Kopongo ragili, nampaintutun Io risilo ra atan kon ru Buuk Kitab,

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.