NIGIMIA 8:3 - Tanou Moonsoi Timugon

³ Giu' intok malimparang no, maar ra kulobon garabang, nambasa' i Ijra ra Taurat no risilo intor ra susuab polos ra tanga' ru orou, am ilo ngaangai' nangkirongog toojo.

NIGIMIA 8:3 ပူးပေါင်းရင်းမြစ်များ

NIGIMIA 10:29

minaya' ra tingganai-tingganai mai am nagibot ra maayag akai sumugut ra ukum ri Aki Kapuuno' ondo' tinaakan Nano ondo' pinabala' galing ri Musa. Magibot akai koson gumagaya' ra ngaangai' susuban ondo' tinaakan ramon ru Tuhan, iono Tuhan mai; nagibot akai koson gumagaya' ra ngaangai' ukum am aturan Nano.

NIGIMIA 13:1

Bulintok ra Taurat ri Musa binasa' ra mamagun, norongog nilo ra ulun ru Amon am Moab kalo iowon mongoi amung ra ulun ri Aki Kapuuno'.

NIGIMIA 8:1

Paat ra sila' katulu', ulun ru Israil namagun noyo giu' ra bandar ru sigagama'. Paat ra orou kasaa' sila' raginio, ilo ngaangai' timinimung giu' ra Jirusalim, giu' ra tana' malimparang mamaar ra Kulobon Garabang ru Timug. Nakitaak ilo maa' raginio kitab Taurat alapon ri Imam Ijra, sangulun mapandai kaga' ra Taurat ondo' pinataak ru Tuhan ra Israil ondo' pinabala' galing ri Musa.

NIGIMIA 8:18

Moonong orou, intor ra orou kasaa' ru pangiantakan no saboi ra orou pupus, nambasa' i Ijra ra santayaran intor ra Taurat ri Aki Kapuuno' risilo. Nangiantak ilo ra pangiantakan no buoi tulu' ngoorou, am paat ra orou kabalu' nambaal ilo ra upacara kaampusan sumugut ra aturan ru Taurat.

NIGIMIA 8:4

Minigor i Ijra giu' ra rasawat ru pantas tataun ondo' binaal timpoko' koson kuayan raginio. I Matisa, Sima, Anaya, Uria, Ilkia am Maasiya minigor ra tampilon pamiris nano; liliwa' i Pidaya, Misail, Malkia, Gasum, Asbadana, Jakaria am Misulam minigor tampilon ra kait nano.

NIGIMIA 8:5

Pantas intok binigaran ri Ijra masawat poyo intor ra ngaangai' ulun no, saboi makakito ilo ri Ijra. Kaukab ayuk ri Ijra kitab no, ilo ngaangai' minigor.

MARKUS 12:37

I raja' Daut galama' nampiau Riso ‘Tuhan’. Ati kulaan Mamamayag ondo' sinusub ri Aki Kapuuno' no masauk ra papag ru raja' Daut?” Ulun masuang maansayan mangkirongog ra pangilaan ri Jisus.

LUKAS 19:48

Kaa' kalo naalap nilo kapatoi, sabap ra ngaangai' ulun nabunduk toojo am mapirot mangkirongog ra raguon nano.

LUKAS 8:18

“Ginio ra talinaasi' min noyo atan ondo' norongog mino. Sabap ra osoi mokoondo' noyo, ruangin poyo. Kaa' osoi kolondo' atan-atan, sanganu ayuk pana ondo' indos no soroi riso, alapon poyo.”

RINALATAN 13:15

Kopongo binasa' Ukum ri Musa am Kitab ru Nabi-nabi, tingganai-tingganai ru baloi sambayangan nanusub ra ulun mangkuot ri Paulus am rangan-rangan nano, konilo, “Pabukat kau, amon ru mokoondo' paraguon min koson mangila' ra ulun ragiti, posoboyo' min ayuk.”

RINALATAN 13:27

Sabap ra ulun minayan ra Jirusalim am tingganai nilo kalo nakatutun ra Io no Mamamayag i. Kalo nangarati' ilo ra nangilaan ru nabi-nabi, kabalu' pana basaan ra moonong orou Sabat. Ginio nangkinibit risilo nangukum ri Jisus am koson raginio norontop noyo ragu ru nabi-nabi.

RINALATAN 15:21

Sabap ra intor ra galing i noyo, Ukum ri Musa ti binasa' ra moonong orou Sabat giu' ra baloi sambayangan am pinabala' ra moonong pekan.”

RINALATAN 16:14

Sangulun intor risilo i, i Lidia, ondo' mantatalan ra konoon matanggilung. Io no intor ra Tiatira am nangintopot ri Aki Kapuuno'. Ginio ra ukabo' ri Aki Kapuuno' guang nano koson nangapu ra pangilaan ri Paulus.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

RINALATAN 20:11

Pagaloi boo saguli' i Paulus am pantayar io ra ruti' am pangakan ilo boo. Minindagu io ra ulun-ulun no saboi natawangan, am ugar io boo.

RINALATAN 20:7

Paat ra orou koonom ra iorondom, timinimung akai mangakan mababaya' ra pabukat Kristian no. Nangila' i Paulus ra ulun ra giu' no, sabap ra mugar io no ra suabon. Kalo liminonggo' io saboi tanga' ru rondom.

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

SAGULION 31:9

I Musa pana nanulis boo ra Ukum ri Aki Kapuuno' no am taaki' no ra imam-imam Liwi ondo' nanalingapu ra Kaban Nabantuan ru Tuhan am ra tingganai-tingganai ru ulun ru Israil.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

JOSUA 8:35

Moonong susuban ri Musa binasa' ri Josua ra saang ru ngaangai' ulun, nakaaya' bala ruandu' am lalaing, am niayuk ulun bansa' ru bokon ondo' minayan risilo.

PINAINTALANG 2:29

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 3:22

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”