NIGIMIA 8:12 - Tanou Moonsoi Timugon

¹² Ngaangai' ulun no pana minuli'. Nangakan am nanginum ilo liliwa' maansukan, am niayuk nantayar ra akanon ra ulun bokon, sabap ra makapandai ilo ra arati' ru pambasaan ondo' norongog nilono.

NIGIMIA 8:12 ပူးပေါင်းရင်းမြစ်များ

1 TUNUNG RU BANSA' ISRAIL 29:22

Paat ra orou raginio nangakan am nanginum ilo ra naansukan giu' ra saang ru Tuhan. Kopongo raginio koson ra kainduo nilo nampatanou ra i Salomo koson ra raja'. Ralalom inggalan ru Tuhan, nampalantik ilo ri Salomo nasauk ra raja', am i Jadok nasauk ra imam.

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

NIGIMIA 8:11

Saugar-ugar ulun ru Liwi ra giu' am giti koson mompororo' ra mamagun am ruruli' mindagu, “Pai' pangiluk guang ra orou patimpokon ti.”

NIGIMIA 8:13

Paat ra suabon no, tingganai-tingganai ru bansa', imam-imam am ulun-ulun ru Liwi minongoi ri Ijra koson mintutun ra pangilaan ru Taurat.

ESTER 9:22

Koon raginio baal no sabap ra paat orou raginio noyo ilo nangala ra pantula', saboi kangilukan am kasilukan nilo nakulau nasauk ra kaansayan am kaansukan. Ginio ra musiti' ilo mangiantak ra orou-orou raginio ra bunsag am pagakanan am niayuk mantataak ra akanon ra rondo' am bokon, mangayup ra ulun musikin.

AYUP 23:12

Susuban-susuban ri Aki Kapuuno' masalok gagayaan ku, sumugut aku ra kasagaan Nano, sala' ka kasagaan kuno galama'.

MAZMUR 119:111

Panusuban Muno longgom kuno ra mantilayun; panusuban Muno mapabansuk ra guang kuno.

MAZMUR 119:127

Togom kuno ra panusuban Muno nakasail poyo intor ra mas, nakasail poyo intor ra mas kopoyo.

MAZMUR 119:130

Bala' ru pangilaan Muno manaak ra sinda, manaak ra karatian ra ulun magayantanga' guang.

MAZMUR 119:14

Maansukan guang kuno maya' ra panusuban Muno, koson mokoondo' ra nansalinut rapu'.

MAZMUR 119:16

Maansayan aku ra ukum Muno; kalo lilianin ku panusuban Muno.

MAZMUR 119:171

Masalok aku mongompor Rirun, sabap ra inila' Mu aku ra ukum Muno.

MAZMUR 119:174

Malansan aku ra pamayagan Muno, iou Tuhan, Ukum Muno mapabansuk ra guang kuno.

MAZMUR 119:72

Kara' ku, Ukum Muno mokologo poyo ka mas kapoam pirok ra tana' ti.

MAZMUR 119:97

Mapara' piboo togom kuno ra Ukum Muno! Moonong orou aku mangkara'.

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

LUKAS 24:32

Pagigindagu ilo, “Ka kia mabunduk guang to ra Io minindagu rito ra pangkiralanan tani, am nambala' rito ra tinulisan ra Buuk Kitab?”

ROMA 7:18

Ginio ra kolondo' moonsoi soroi ra guang kutu, ioginio paliso kuno ra ulun. Sabap ra iou pana masaga' aku mambaal ra moonsoi, kalo makapambaal aku.

PINAINTALANG 11:10

Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.