NIGIMIA 8:10 - Tanou Moonsoi Timugon

¹⁰ Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

NIGIMIA 8:10 ပူးပေါင်းရင်းမြစ်များ

1 RAJA'-RAJA' 8:66

Paat ra orou kabalu', Raja' Salomo nanusub ra ngaangai' ru ulun no muli'. Minuli' ilo ra naansukan, liliwa' mongompor ra raja' ra tayar ru ngaangai' barakat ondo' tinaakan ru Tuhan ra Raja' Daut, ulipon Nano, am ngaangai' ru ulun Nano Israil.

1 TUNUNG RU BANSA' ISRAIL 16:27

Katulayan am kinaayo nampalibung Riso, intok inayanan Nano napanu' ra kuasa' am kaansukan.

NIGIMIA 8:11

Saugar-ugar ulun ru Liwi ra giu' am giti koson mompororo' ra mamagun am ruruli' mindagu, “Pai' pangiluk guang ra orou patimpokon ti.”

NIGIMIA 8:12

Ngaangai' ulun no pana minuli'. Nangakan am nanginum ilo liliwa' maansukan, am niayuk nantayar ra akanon ra ulun bokon, sabap ra makapandai ilo ra arati' ru pambasaan ondo' norongog nilono.

ESTER 9:19

Ginio sabap ra ulun ru Jaudi ondo' minayan giu' ra bandar mongoborok mangiantak ra orou koopor am apat ra sila' Adar ra munsag. Paat orou raginio mantataak ilo ra akanon ra rondo' am bokon.

ESTER 9:22

Koon raginio baal no sabap ra paat orou raginio noyo ilo nangala ra pantula', saboi kangilukan am kasilukan nilo nakulau nasauk ra kaansayan am kaansukan. Ginio ra musiti' ilo mangiantak ra orou-orou raginio ra bunsag am pagakanan am niayuk mantataak ra akanon ra rondo' am bokon, mangayup ra ulun musikin.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 89:17

Monsongorou ilo maansukan, am mongompor Rirun sabap ra kinoonsoi Muno.

AMSAL 17:22

Guang ondo' makaansuk mapaligag ra inan; guang ra mangiluk mapakapalo ra guang.

MAMPATANOU 11:2

Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

MAMPATANOU 3:13

Itakau ngaangai' musiti' mangakan, manginum am makasia' ra ampos ru binaal takau sabap ra ngaangai' no tinaakan ri Aki Kapuuno'.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

JISAYA 49:5

Ra kalo poyo naanak, piniau aku noyo ru Tuhan masauk ra ulipon Nano, koson mapalulur ra ulun ru Israil, maa' raginio sumaguli' ilo Riso. Tuhan napasauk raki' urumaton toojo. I Aki Kapuuno' noyo kaikangan kuno.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

JAKARIA 14:21

Ngaangai' pagangan giu' ra Jirusalim masauk ra longgom ru Tuhan Ondo' Maayo Kaga' Kuasa'. Ulun ondo' mampataak ra taak simbalui mamakai ra kuliamos no koson mantanok ra kual ru taak simbalui ondo' pinataak. Masaboi paat no, kolondo' boo ulun mantalan giu' ra Baloi ru Tuhan Ondo' Maayo Kaga' Kuasa'.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

2 KORINTUS 8:2

Kininaman ilo toojo ru nansalinut kapaganan, kaa' naansukan ilo toojo. Kabalu' pana musikin ilo toojo, kaa' mataau ilo mangani' ra ulun bokon.

PILIPI 3:4

Amon ru mokoondo' ulun mangkara' ra ilo motopot sabap ra lumansan ra kaulayan kapoam sabap ra kinamatuaan nilai, mulu' piboo aku ka ilo.

PINAINTALANG 11:10

Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.

1 SAMUIL 25:8

Kinami' noyo kuati' ilo ra baal raginio. Maaru' iowon nilo ginio. Ginio sabap ra malansan i Daut maa' raginio akai ti ulun nano apuon ra matanda' ra baloi muno, sabap ra minatong akai ra orou maayo ti. Pataaki' noyo atan ayuk maya' ra kasagaan muno ra ulipon-ulipon muti am niayuk ri Daut, rangan moonsoi muno.”